NAGPASAKLOLO kay Senate President Vicente “Tito” Sotto III ang isang Filipino-Chinese contractor

upang harangin ang umano’y katiwalian sa foreign assisted projects loan ng Department of Public

Works and Highways (DPWH).

Sa mga liham na ipinadala ng isang nagpakilalang Jingxy Fu, ng China Gezhouba Group Corporation

Limited, na may tanggapan sa High South Corporate Tower, 26th St., corner Avenue, Bonifacio

Global City, Taguig City, sa Office of the President noong Hulyo 16, 2020 at sa tanggapan ni Sotto,

noong Hulyo 20, 2020, sinabi nito nais niyang ipabatid sa mga naturang opisyal ang nagaganap

umanong ‘severe syndication and corruption’ sa foreign assisted projects ng DPWH.

Partikular na tinukoy nito ang Rio de Grande Mindanao project na nagkakahalaga ng

P30,322,381,952.44 na halaga ng foreign loan.

Tinukoy ni Fu sa kanyang sulat si DPWH Undersecretary Emil Sadain ng Operational and Technical

Services at iba pang kasabwat umano sa illegal contracting ng foreign projects.

“He (Sadain) is also accountable in pursuing the Chinese Embassy to be repeatedly recommending

their contracted bidder because he will receive a kickback that is delivered in his main office and to

be received by his partner,” saad pa sa sulat ni Fu kay Sotto.

Sa alegasyon din ni Fu, binigyan anya si Sadain ng kapangyarihan na pasukin ang mga kontrata ni

DPWH Sec. Mark Villar, isang Mr. Escandor, maging ni Presidential Son Paolo Duterte at Mr. Jacky

Pong ng POGO Industry.

Ibinulgar din nito na noong pre-bidding, nilapitan sila ng kinatawan ng Sinohydro Corporation ng

China na ang proyekto ay para sa China Geo and China State Construction Co. dahil naglabas na sila

ng 2% cash advance.

Nabatid na naka-attach din sa liham na ipinadala ni Fu sa tanggapan ni Sotto ang mga ebidensiya

ng sinasabi niyang korapsiyon na nagaganap sa proyekto. (DANG SAMSON-GARCIA)