KINUMPIRMA ng Malakanyang ang nominasyon ni Nelson Java Celis bilang Commission on Elections (Comelec) Commissioner.

Pinalitan ni Celis si Commissioner Aimee Torrefranca-Neri.

Mananatili ang termino ni Celis sa poll body hanggang February 2, 2029.

Sa kabilang dako, sinabi naman ni Comelec Chairman George Erwin Garcia na dadaan pa sa kumpirmasyon ng Commission on Appointments ang nominasyon kay Celis.

Si Celis ay nagtapos sa kursong Electronics and Communications Engineering sa Don Bosco Technical College.

Siya ay nagtapos din ng Master/Doctor of Business Administration sa De La Salle University (DLSU) kung saan naging professional lecturer din siya rito sa Graduate School of Business at Graduate School of Computer Studies.

Samantala, mayroon siyang 37 taong karanasan sa Information Technology at Management at naging Outstanding Electronics Engineer noong 2012. (CHRISTIAN DALE)