NAKAMIT ng Philippine esports team Sibol Mobile Legends: Bang Bang ang target na back-to-back gold medals sa Southeast Asian Games.
Tinalo ng national team ang Indonesia sa finals, Biyernes sa Hanoi, Vietnam.
Naunang tinalo ng Sibol ang Indonesia noong 2019 sa Manila, nang unang isinama ang esports sa biennial meet.
Pinangunahan ang Sibol ng world champions Blacklist International, na tinalo ang Nexplay EVOS sa Sibol qualifier grand finals upang maging representative ng bansa sa 31st SEA Games.
Kasama sa Blacklist ang nagbalik sa professional play na si Johnmar “OhMyV33nus” Villaluna at Danerie James “Wise” Del Rosario, makaraang lumiban sa ML:BB Professional League Season 9.
Wala naman sa Blacklist ang mainstays na sina Kiel “OHEB” Soriano at
Edward “EDWARD” Jay Dapadap, ‘di pinayagan dahil sa age restrictions.
Pinalitan ang dalawa nina Lee “Owl” Gonzales at Dominic “Dominic” Soto. Reserve players naman sina Russel Aaron “Eyon” Usi at Salic “Hadji” Imam. (DENNIS IÑIGO)
146
