Sa pamamagitan ng Cultural Exchange Department, kinilala ng Cultural Center of the Philippines ang ikalawang batch ng kanilang Kaisa sa Sining (KSS) Regional Art Centers (RACs) Apprenticeship Program.
Nagsimula ito noong nakaraang taon kung saan 20 apprentices ang nabuo mula sa 10 lalawigan. Mayroon itong strategic work areas na kinabibilangan ng production management, production design and technical services, cultural exchange, venue operations, library and archives, museum and gallery management, film-broadcast and media arts, arts education at theater company management partikular para sa arts and culture practitioners mula sa CCP-KSS regional art centers sa buong bansa.
Layunin nito na magbigay ng suporta sa CCP-KSS regional art center para maisulong ang kultura, sining, at theater management sa mga rehiyon at mapalago ang competence level and skills sa regional arts and culture practitioners sa specific areas ng CCP.
Kasama sa programang ito ang hands-on teach-ins na may lectures, mentoring, coaching, readings, case studies, pagbisita sa major arts/cultural sites and institutions, actual project o event management sa tulong ng CCP artistic units.
Ang mga miyembro ng Batch 2019 ay practitioners mula sa 10 probinsya at ang 8 RACs na sasailalim sa apprenticeship program ay magsisimula sa June 4-29, 2019. Mula sa Mindanao: Jamaira Hirang Saruang (MSU-IIT Iligan), Jireh Mae Setit Bactong (RMMC Gen. Santos), Mark Tejada (LSU Ozamiz), Josey Rex Soriano (XU Cagayan de Oro), Thea Tiongco (RMMC Gen. Santos), Muamar Catual (MSU Marawi), Frechi Gacal (RMMC Marbel, So. Cotabato), Joshua Paquingan (MSU-IIT Iligan), Aldren Alferez (LSU Ozamiz), Sahani Isah (MSU Marawi), Sittie Umpa (MSU IIT Iligan), at Pepito Sumayan (MSU Marawi).
Mula sa Visayas: Mark Kilapkilap (SU-Dumaguete), Ezra Mae Divino (Negros Museum Bacolod), at Princess Amar (Negros Museum Bacolod).
Mula sa Luzon: Jonie Pangilinan (CCA-Angeles); Randy Nobleza (MSC Marinduque), Jeron Padilla (Sinukwan-Angeles), at Jula Ong (CCA-Angeles).
Para sa iba pang impormasyon hinggil sa CCP-KSS Apprenticeship Program, tumawag sa CCP Cultural Exchange Department sa tel. no. 832-1125 locals 1708-1709.
341
