Ni VT ROMANO
UMISKOR si Brandon Williams ng 22 puntos, tungo sa 85-77 win ng Portland Trail Blazers kontra New York Knicks sa NBA summer league championship, Linggo (Lunes sa Manila) sa Las Vegas.
Ito ang ikatlong pagkakataong lumaro ang Portland sa championship game mula 2017, at ikalawang titulo ng koponan.
Nakakuha ang Trail Blazers ng 36 points mula sa kanilang reserves sa pangunguna ni Jabari Walker, may 14 points at 11 rebounds.
Tumapos naman si Trendon Watford na may 19 points at seven rebounds para sa Portland at naging unanimous choice para sa MVP honors ng laro.
“They made a run in I think the late third or the fourth,” ani Watford. “We stuck together and when we came back in, we turned it up and I’m just proud of all these guys, man.
Dagdag pa niya: “It was big-time, our chemistry came together since day one and I’m just proud of all these guys.”
Limang player ng Knicks ni coach Tom Thibodeau ang nagsumite ng double figures sa pangunguna ni Quenton Grimes, 19 points.
Gayundin sina Miles McBride, 17 points, habang si Jericho Sims may 13 at sina Feron Hunt at Micah Potter tig-10.
Third ranked ang Portland sa summer league na may 42.8 rebounds per game at nagawang ma-out-rebound ang Knicks, 37-32.
Hindi agad gumana ang rhythm ng Blazers hanggang sa pagsisimula ng second quarter, nang magpakawala ng back-to-back-to-back three-pointers tungo sa 21-14 lead.
Umabot sa pitong 3-pointers sa nasabing quarter ang naibato ng Portland para iposte ang 11-point lead sa half time, 41-30.
Pagsapit ng third period, 16 puntos na ang kalamangan ng Blazers, 60-44, buhat sa sampung sunod na basket.
240 
