PINANGUNAHAN ni Bureau of Customs Port of Clark District Collector Atty. Elvira Cruz ang pakikiisa sa isinagawang conference at exhibit na pinamagatang “Clark International Airport: Emerging PH Gateway to Trade and Logistics” noong Mayo 26, 2023.

Ang okasyon ay inorganisa ng PortCalls at ng Philippine Multimodal Transport and Logistics Association (PMTLA), na dinaluhan ng 200 transport at logistics executives.

Kabilang sa mga nakiisa ay ang mga opisyales mula Clark International Airport, Subic-Clark Alliance for Development, National Econo­­mic Development Authority, Department of Transportation, Bases Conversion Development Authority, Subic Bay Metropolitan Authority, FedEx Philippines, at Regional Development Council for Central Luzon. Ang Port of Clark, sa pamamagitan ni Atty. Charles Almond Mateo, COO IV and Flight Supervisor of the Passenger Services Division, ang nagtalakay sa nasabing forum ng ‘five point priority program’ ni Commissioner Bienvenido Y. Rubio, at iba’t ibang reporma na inim­plementa ng Bureau para simplehan lang ang customs procedures at mapadali ang ligtas na kalakalan. Sinabi ni District Collector Atty. Elvira Cruz, ang confe­rence ay isang makabuluhang oportunidad para sa Port of Clark upang i-highlight ang kanilang accomplishments and innovations sa pagpapagaan ng transaksyon sa kalakalan pati na rin ang paghikayat ng investors para makipagsapalaran sa Clark.

Ang pakikiisa ng Port of Clark sa pamumuno ni Cruz, sa conference at exhibit ay bahagi ng kanilang pagsisikap para mapagbuti ang pagpapadali ng kalakalan at mga inisyatiba.

(BOY ANACTA)