UGNAYAN NG MGA AHENSIYA PINALAKAS

PINANGUNAHAN ng Bureau of Customs (BoC) Port of Cabu ang mas lalo pang pinalakas na ugnayan ng iba’t ibang ahensiya ng pamahalaan sa kanilang fellowship lunch sa conference roon ng nasabing puwerto.

Si BOC Port of Cebu District Collector Charlito Martin Mendoza ang humikayat sa mga partner agencies nito na magkaisa at palalasin ang kanilang mga polisiya na nakakaapekto sa border security at pagpasok ng mga regulated articles sa bansa.

Ang mga kasamang ahensiya sa fellowship meeting ay nagpasahan ng kaalaman sa pagpapaunlad ng kani-kanilang departamento na nangangailangan ng koordinasyon sa mga puwerto para sa tamang implementasyon.

Kasama sa fellowship na pinangunahan ni Mendoza sina Atty. Marc Anthony Patriarca, Deputy Collector for Operations; Atty. Lemuel Erwin P. Romero, Deputy Collector for Assessment; Atty. Kenneth Kernn A. Sesante, Chief, Law and Bonds Division; SPAS Jerry Arizabal, District Commander, Enforcement and Security Service (ESS);  Jessica D. Luzano, chief, Entry Processing Unit (EPU) at  Lloyd Lawas, chief, EPU-Sub-port of Mactan.

Nagparating ng pasasalamat si Mendoza sa mga nakiisang opisyales mula sa Philippine Coast Guard (PCG), Philippine Drug Enforcement Agency (PDEA), Bureau Animal Industry (BAI), Bureau of Plant Industry (BPI), National Meat Inspection Service (NMIS) at Food and Drug Administration (FDA). Jo Calim