INIHAYAG ng Department of Health (DOH) na tumaas ang mga kaso ng COVID-19 sa walong syudad sa National Capital Region (NCR).
Ang mga ito ay ang Pasay, Makati, Las Piñas, Malabon, Pasig, Navotas, Valenzuela at Maynila, pahayag ng DOH nitong Martes.
Mayroong labing-anim na lungsod at isang munisipalidad ang NCR.
Ayon sa DOH, nakitaan ng pagtaas ng mga kaso ng COVID-19 ang walong lungsod.
Ngunit hindi kasing taas ng mga kaso ng COVID-19 noong nakaraang mga linggo.
Inihayag ni Dr. Alethea de Guzman, ng DOH-Epidemiology Bureau, ang “Healthcare Utilization Zone” (HUZ) ng walong syudad ay nananatiling ligtas sa kabila ng pagtaas ng mga kaso ng COVID-19.
Nananatili sa “general community quarantine” (GCQ) ang buong NCR. (MARINHEL T. BADILLA)
210 
