KASABAY ng pag-qualify sa Tokyo Games, nagpositibo naman sa COVID-19 si Kristina Knott.
Ayon sa Philippine Amateur Track and Field Association, bagama’t asymptomatic, nagpositibo sa virus si Knott matapos isagawa ang routine RP-PCR test, base sa pahayag ng kanyang coach na si Ro Griffin na kasama ng trackster sa Karlstad, Sweden.
Nasa isolation na nga-yon ang Fil-Am sprinter.
Pareho nang may bakuna sina Knott at Griffin, ayon sa ulat.
Siniguro naman ni PATAFA head Philip Ella Juico na mataas pa rin ang tsansa ni Knott na mapasabak sa Tokyo Olympics dahil may isang buwan pa para siya maka-recover.
Sinabi ni Griffin, suspetsa ng mga health authorities na Delta variant, na kumakalat sa bahagi ng Europe, ang dumale kay Knott.
Negatibo si Griffin at isa pang Fil-Am sprinter na si Eric Cray kahit pa magkakasama sila sa kotse ni Knott.
Magtatangka ring makakuha ng slot sa Tokyo si Cray. Nakatakda siyang sumabak sa isa pang track meet sa Gothenburg, Sweden ngayong weekend.
“We just took a three-hour car ride together and only she tested positive,” saad ni Griffin. “It’s a wake-up call that this thing is very, very real. We haven’t been around a lot of people this season.”
“I’m more worried more of keeping her mental shape than physical. It’s not going to over affect our preparations, by no means,” pagtitiyak ng American coach.
153
