NAGHAIN si Senador Manuel “Lito” Lapid ng isang panukalang batas upang ipangalan kay yumaong Fernando Poe Jr., ang Del Monte Avenue sa Quezon City bilang pagkilala sa kontribusyon ng aktor sa sining at pelikula bilang
“The King of Philippine Movies.”
Sinabi ni Lapid sa Senate Bill No. 1822 na inihain nitong September 4, 2020, na isinagawa ang pagkilos bilang pagkilala kay FPJ sa kanyang legasiya sa big screen kabilang ang pagiging inspirasyon sa mamamayang Filipino.
“To honor his immense contributions to Philippine culture and the arts and to those Filipino families whose lives were touched by his example, this bill seeks to rename Del Monte Avenue in Quezon City to Fernando Poe, Jr.,” ayon sa explanatory note ng panukala.
Ayon pa kay Lapid, nakatayo sa Del Monte Avenue ang production company ni FPJ kaya naisulong ang pagpapalit ng pangalan nito para sa kanya.
Bukod kay Lapid, kasama sa pagiging awtor ng panukala sina Senate President Vicente Sotto III, Majority Leader Juan Miguel Zubiri, at Senador Joel Villanueva, Ramon “Bong” Revilla Jr., Ronald “Bato” Dela Rosa, Panfilo “Ping” Lacson, Emmanuel “Manny” Pacquiao, Francis “Kiko” Pangilinan at Risa Hontiveros.
“Fernando Poe, Jr (FPJ), hailed as the “King of Filipino Movies, or popularly known as FPJ or Da King, was a great icon not only in Philippine movies but also of the Filipino masses,” ayon sa panukala.
Naging bida si FPJ sa mahigit 3000 pelikula sa 46-taon niyang movie career, ilan dito ay siya ang director, producer at sumulat.
Noong Mayo 23,2006, iginawad kay FPJ ang National Artist of the Philippines for Film. “Having inspired a generation of television and film culture, his role as the “Da King” was born out of real-life experiences.”
“Popular culture through films and movies grew forth from FPJ’s industrious dedication to the craft and to the principle of championing the masses,” nakasaad pa sa panukala. (ESTONG REYES)
221 
