“WE are confident his leadership will drive transformation, innovation, and strengthen the PNP’s mandate to serve and protect.”

Ito ang reaksyon ni Interior and Local Government Secretary Jonvic Remulla sa pagkakahirang ni Presidente Ferdinand Marcos Jr. kay PMGen. Nicolas Torre III bilang bagong Philippine National Police chief.

Ayon kay SILG Sec Remula, ang desisyon ng Pangulo ay nagpapahiwatig ng masusing pagsusuri sa matibay na kwalipikasyon at maayos na serbisyo ni Torre.

Kaya agad na nagpahayag ng kanilang suporta ang DILG sa pagkakatalaga kay Torre bilang kahalili ni PNP Director General Rommel Marbil.

Ayon kay Remulla, kumpiyansa ang DILG na maghahatid ng pagbabago si Torre na siya ngayon rerenda sa 228,000 strong PNP.

Nangako si Remulla na nakahanda silang makipagtulungan upang isulong ang mga reporma sa loob ng PNP, partikular sa paglaban sa iligal na droga at kriminalidad at maging sa paglilinis ng organisasyon.

“We extend our congratulations to PNP Chief Torre as he takes on the challenge of leading our 228,000-strong police force. The DILG stands ready to work with him in advancing internal reforms, fighting illegal drugs and crime, and enhancing police visibility.”

Samantala, nagpasalamat naman ang DILG kay outgoing PNP Chief PGen. Rommel Francisco Marbil na nakatakdang magretiro sa June 7 dahil sa ipinakita nitong mahusay na liderato.

(JESSE KABEL RUIZ)