KINASTIGO ni Senate President Pro-Tempore Ralph Recto ang plano ng Department of Trade and Industry (DTI) na buwisan ang mga nagpapalitan ng produkto at serbisyo sa komunidad ng millennials sa halip unahin ang Philippine Offshore Gaming Operators (POGO) na may utang na P50 bilyong buwis.

Sa pahayag, sinabi ni Recto na dapat palitan ng DTI ang off-the-cuff statement nito ng common sense at clarificatory statement na walang nilalabag na batas ang magkakapitbahay na nagpapalitan ng produkto sa community chat group.

“When you exchange a tax-paid shirt too small for you for tax-paid shorts too big for your friend, where is the revenue loss for the government?,” ayon kay Recto.
Sinabi ni Recto na sa halip habulin ang mga barter trade sa komunidad, pagtuunan ng pansin ng tax collectors ang POGO kaysa millennials na nagpapalitan ng sneakers na gusto nila.

“Where is the harm to the economy in a farmer swapping his pig for a secondhand computer for his child’s use, unlike the clear sabotage done by smugglers who bring in pork cuts by the boatload?,” paliwanag ni Recto.

Ipinaliwanag ni Recto na isang uri ng pamumuhay ang bartering sa kanayunan kung ipinagpapalit ang isang bag ng bigas para sa isang basket ng gulay. “Sa mga kanayunan, hindi palaging pera ang ginagamit sa palitan ng produkto o serbisyo.”

“This ancient practice is even evident in our language. “Palit” in Tagalog means “exchange”, but in Cebuano it is the word for “buy,” aniya.

“To survive the economic crunch of the lockdown, people are bartering unused and surplus household items, not to monetize them, but for goods they need. Previously loved items are being rehomed,” dagdag pa niya.

Aniya, nilalabanan lamang ng milennials ang pagkabagot kaya gumawa sila ng mga bagay na malilibang sila at kikita pa kung meron.

“This is why “plant exchanges” by “plantitas” are blooming in Viber groups. Kulang na nga ng isang channel sa TV, pakikialaman mo pa cactus nila?,” ani Recto.

“Bartering is the people’s way of generating economic activity. How can this be wrong?,” tanong pa ni Recto. (ESTONG REYES)