MULA sa top 6, umakyat si pole vaulter EJ Obiena sa top 3 ng World Athletics Ranking kasunod ng kanyang historic bronze-medal finish sa 2022 World Championships.
Siya ang unang Filipino athlete na nanalo ng medalya sa nasabing torneo, na ginanap sa Eugene, Oregon, USA.
Ayon sa July 26 men’s world pole vault ranking, ang Tokyo Olympian at Asian record holder na si Obiena ay pangatlo na ngayon, sa likod nina Sweden’s Armand Duplantis at Christopher Nilsen ng US.
Nahigitan na ng 26-year old Pinoy ang Rio Olympic gold medalist at kanyang training partner na si Thiago Braz.
Sa World Championships noong Linggo, nag-set din ng bagong Asian pole vault record si Obiena nang ma-clear ang 5.94 meters jump.
Ito ay higit .01m sa dating record niya na 5.93 meters na naitala sa Innsbruck, Austria noong Setyembre 2021.
Maliban sa 2024 Paris Olympics, goal ni Obiena na makuha ang 6-meter mark. “There’s only 24 people who have reached the 6-meter mark, I want to be the 25th.”
182 
