KINUMPIRMA ng Senate Security team na nasa bansa pa rin si dating Budget Undersecretary Lloyd Christopher Lao.

Sinabi ni Senate Sergeant at Arms Rene Samonte, patuloy ang kanilang pagsisikap na maaresto si Lao, ang dating hepe ng Procurement Service ng Department of Budget and Management (PS-DBM).

“Nandito pa naman sya sa bansa. We will exert efforts for his arrest,” saad ni Samonte.

“From all indications, we believe he is still in the country,” diin pa ni Samonte.

Una nang nagpadala ng arresting team ang OSAA sa mga address ni Lao sa Cebu at Davao subalit bigo silang masakote ito.

Na-contempt si Lao ng Senate blue ribbon committee dahil sa ilang ulit na pang-iisnab sa imbestigasyon sa maanomalya umanong procurement ng pandemic response supplies. (DANG SAMSON-GARCIA)