KINUMPIRMA ng Malakanyang na dating nagtatrabaho sa Office of the President (OP) ang abogadong bumisita sa Dargani siblings na ngayon ay nasa Senate detention.
Subalit paglilinaw ni Acting Presidential Spokesperson Cabinet Secretary Karlo Nograles, si Atty. Daryl Ritchie Valles, abogadong sinasabing bumisita sa magkapatid na Dargani ay nagbitiw sa kanyang trabaho sa OP noong Marso 1, 2021.
Base aniya ito sa record ng Human Resources Management Office.
“In the interest of providing the media and the public with information regarding the lawyer, Atty. Daryl Ritchie Valles, we made an effort to validate and confirm the dates of his employment in Malacañang,” aniya pa rin.
Sa pagsisiyasat pa rin, lumabas na matapos umalis sa Office of the President si Atty. Valles ay nagtrabaho siya sa tanggapan sa ilalim ng lehislaturang sangay ng pamahalaan. (CHRISTIAN DALE)
214 
