INIHAYAG ng Bureau of Immigration (BI), ang fully vaccinated passengers mula sa 57 bansa na ikinukonsidera ng Philippine government bilang low risk para sa COVID-19 transmission, ay kailangan lamang ng shorter quarantine period na pitong araw sa kanilang pagdating sa bansa.

Sinabi ni BI Commissioner Jaime Morente, ang listahan ng 57 “green” countries ay kasama sa isang resolusyon na inisyu noong Miyerkoles ng Inter-Agency Task Force on the Management of Emerging Infectious Diseases (IATF).

Ang nasabing mga bansa ay ang Albania, American Samoa, Anguilla, Antigua and Barbuda, Australia, Benin, Belize, British Virgin Islands, Brunei, Burkina Faso, Burundi, Cayman Islands, Chad, China, Ivory Coast, Eswatini, Falkland Islands, French Polynesia, Gambia, Ghana, Greenland, Grenada, Hong Kong, Iceland, Isle of Man, Israel, Laos, Liberia, Malawi, Malta, Marshall Islands, Mauritius, Micronesia, Montserrat, Morocco, Mozambique, New Caledonia, New Zealand, Niger, Nigeria, Northern Mariana Islands, Palau, Rwanda, Saba, Saint Barthélemy, Saint Kitts and Nevis, Saint Pierre and Miquelon, Sierra Leone, Senegal, Singapore, Saint Eustatius, South Korea, Taiwan, Togo, Turks and Caicos Islands (UK), Vietnam, at Zimbabwe.

Sinabi pa ni Morente, ang nasabing mga pasahero na fully vaccinated abroad na ekslusibong nananatili sa alinman sa 57 bansa sa loob ng nakalipas na 14 days ay agad isasailalim sa seven-day facility-based quarantine.

Kaya naman sinabi ni Morente na kailangan lamang nilang magpresenta ng 7-day booking sa isang government-accredited quarantine hotel o pasilidad sa panahon ng primary immigration inspection kung kailan sila dumating sa bansa.

Kaugnay nito, inulit ni Morente na ang parating na mga pasahero na fully vaccinated sa Pilipinas ay kasama rin sa parehong shorter quarantine privilege, at kailangan ding magpresenta ng 7-day quarantine booking sa kanilang pagdating sa immigration authorities. (JOEL O. AMONGO)