NAGPAHAYAG ng pag-aalinlangan ang Power for People Coalition (P4P) sa anunsiyo ng San Miguel Corporation (SMC) na gumagawa na sila ng unang hakbang palayo sa karbon at balak na makipagsapalaran sa ‘greener energy’, habang pinananatili ng kumpanya ang posisyon nito bilang ‘key player’ sa national coal pipeline.

Sa inilabas na pahayag nitong nakaraang linggo, sinabi ni SMC president Ramon Ang na ang tatlong coal projects sa Cebu at Quezon ay kinansela na dahil ang kanilang kumpanya ay plano nang ipatupad na ihinto ang pagtatayo ng mga bagong pasilidad ng karbon.

“SMC has been burned by coal. And now, it’s trying to put on a happy face despite its losses in the coal business,” ayon kay Gerry Arances, P4P Convenor.

Ang hindi pagpapatuloy ng SMC coal projects sa Sariaya at Pagbilao sa Quezon at Malabuyoc sa Cebu ay una nang kinumpirma ng Department of Energy (DOE) sa liham na natanggap ng mga miyembro ng P4P.

“While the cancelation of the three projects is good, SMC still has five coal-fired power plant projects which can still pollute their host communities and contribute to overpriced electricity for consumers,” giit ni Arances.

Base sa monitoring ng DOE at SMC disclosures nitong nakaraang taon, ang limang coal projects na pinangungunahan ng SMC na maipatutupad pa rin ay ang 300 MW coal plant sa San Carlos, Negros Occidental; 300 MW coal expansion project sa Malita, Davao; Central Luzon Premiere Power Corporation’s 4×355 MW project at Lumiere Energy Technologies Inc.’s 2×355 project, kapwa nasa Pagbilao, at ang 328 MW coal plant sa Davao del Sur.

Gayunman, kinukumpirma pa rin umano ng P4P DOE at sa may kaugnayan ng mga tanggapan ang status ng mga nasabing proyekto, kung saan ang ilan dito ay naalis na dahil sa hindi pagsumite ng kinakailangang mga pag-update o dahil sa nagpapatuloy na pagsusuri.

“If SMC wants to grasp at the renewable energy message, it just needs to cancel all its coal projects and not have to come up with torturous statements to the media,” hamon ni Arances.

Mula nang inanunsiyo ng DOE ang kanilang coal moratorium noong October, umaabot sa 3,100 MW o limang proyekto ang naka-istante, at may halos 12,000 MW ng ‘proposed coal capacity’ ang hindi pa rin natukoy.

“Until it completely pulls out of coal, takes responsibility for detrimental impacts of its operating coal plants to affected communities, and commits to a 100% renewable energy portfolio with no detour to other dirty fuels like gas, SMC is in no place to be claiming sustainability leadership,” dagdag pa ng P4P Convenor. (TJ DELOS REYES)