“PRO 5’s mission is not merely to survive, but to thrive” ani Regional Director P/BGen. Jonnel C. Estomo makaraaang mahuli ng kanyang mga tauhan ang isang high value individual sa ikinasang anti-narcotics operation sa Camarines Norte.

Ayon sa ulat, nadakip sa buy-bust operation ang isang Renan Vega y Factor at kasama sa Provincial Recalibrated Database on illegal drugs/HVI), residente ng Purok 4, Brgy. Gahonon, bayan ng Daet, sa lalawigan ng Camarines Norte.

Una rito, sadyang pinagtuunan ng atensyon ng mga awtoridad ang suspek kaya matapos ang isinagawang case build-up at test buy sa target ay inilatag ang intelligence anti-illegal drug buy-bust operations sa Purok 4, Brgy. Gahonon noong Biyernes.

Ang nasabing operasyon ay isinagawa sa pangunguna ng PNP-PRO5 Camarines Norte Police Intelligence Unit Team (lead unit), sa pamumuno ni P/Lt. Col. Elmer R. Azurez, sa tulong ng mga operatiba mula sa PDEA Cam. Norte, Daet MPS, 1st at 2nd CNPMFC, at RDEU5, sa ilalim ng overall supervision ni P/Col. Julius D. Guadamor, Provincial Director ng Camarines Norte.

Nakabili ng isang pakete ng shabu ang umaktong poseur buyer kaya isinagawa ang anti-illegal drug buy-bust operations na nagresulta sa pagkakadakip sa suspek.

Ayon kay Gen. Estomo, “Figures don’t lie. Our series of drug operations speaks well of PRO 5’s determination to eradicate drugs. Though the numbers in our solved drug cases have been overwhelming, we are still not on the liberty to be complacent.” (JESSE KABEL)