ITINAAS ng Inter-Agency Task Force (IATF) ang community quarantine classification ng Iloilo Province at Iloilo City sa enhanced community quarantine (ECQ) mula modified enhanced community quarantine (MECQ).

Epektibo ito mula Hulyo 22, 2021 hanggang Hulyo 31, 2021.

Gayundin ang ginawa sa Cagayan de Oro kung saan ay mula sa MECQ ay isinailalim na ito sa ECQ.

Samantala, ang General Community Quarantine (GCQ) “with heightened restrictions classification” ay ipatutupad sa Antique at extended ito mula Hulyo 22, 2021 hanggang Hulyo 31, 2021.

Ang Misamis Oriental, na galing sa Community Quarantine (MGCQ) classification hanggang Hulyo 31, 2021, ay mapapasailalim naman sa GCQ “with heightened restrictions” hanggang Hulyo 31, 2021. (CHRISTIAN  DALE)