(NI BETH JULIAN)

MAY posible nang ipapalit sa puwestong babakantehin ni Dr. Roy Ferrer bilang officer in charge ng PhilHealth.

Sa press briefing sa Malacanang, sinabi ni Presidential spokesperson Salvador Panelo na nabanggit ang pangalan ni Dr. Jaime Cruz sa pagpupulong, bagaman hindi ito nakatitiyak kung anong posisyon sa PhilHealth ang paglalagyan sa dito.

Gayunman, sa isang pahayag kay Senator elect Bong Go, kinumpirma nito na si Dr. Jaime  Cruz ang napili ni Pangulong Rodrigo Duterte na ilagay na pinuno ng PhilHealth.

Pero ayon kay Go, hindi pa naman tinatanggap ni Cruz ang alok na puwesto rito ng Pangulo at hinihintay pa nila ang magiging tugon nito.

Si Cruz ay isang medical doctor by profession pero presidente at chief executive officer din ng JTC Group of Companies na nagmamay-ari ng iba’t ibang food chain stores sa Metro Manila at Davao City.

Una nang sinabi ng Pangulo na gusto niyang ang mamuno sa PhilHealth ay hindi lamang basta doktor kungdi mayroon ding alam sa financial management para mapangasiwaan nang maayos ang pondo ng PhilHealth.