“INJUSTICE” para sa kababaihan at lesbian, gay, bisexual, transgender and queer (LGBTQ) ang absolute pardon na ibinigay ni Pangulong Rodrigo Duterte sa homicide convict na si Lance Cpl. Joseph Scott Pemberton.

Ganito inilarawan ni ACT party-list Rep. France Castro ang naging aksyon ni Pangulong Rodrigo Duterte  na magiging dahilan para tuluyang makalaya na si Pemberton na pumatay sa transgender na si Jennifer Laude.

“Murderer Pemberton walks free on supposed ‘good conduct’ after only 6 years in jail is an injustice to all Filipino women and LGBTQ,” ani Castro.

Dahil dito, muling iginiit ng mambabatas na bawiin na ang Visiting Forces Agreement (VFA) at Enhanced Defense Cooperation Agreement (EDCA) dahil ito ang dahilan kung bakit nabigyan ng special treatment si Pemberton.

“The absolute pardon of ex-US marine Pemberton is a betrayal of trust by President Duterte to the Filipino people. We reiterate our call for the abrogation of the Visiting Forces Agreement with the United States,” ayon pa sa mambabatas.

Ayon naman kay Kabataan party-list Rep. Sarah Elago, pagyurak umano sa dignidad ng mga Filipino ang pagbibigay ng Pangulo ng  absolute pardon ay Pemberton. (BERNARD TAGUINOD)