SI Nonito Donaire Jr. ang pinakamahusay na atleta noong nakaraang buwan, ayon sa Philippine Sportswriters Association (PSA).
Bagama’t may mga maningning na sandali sa chess, karate at golf noong Disyembre 2021, hindi maikakailang ang boksingerong si Donaire, 39, ang nangibabaw sa lahat nang mapanatili niya ang World Boxing Council bantamweight crown noong Disyembre 11 kontra mandatory challenger Reymart Gaballo, na pinatiklop niya sa ika-apat na round.
Nahigitan ni Donaire ang kapwa boksingerong si John Riel Casimero, na nabigong maipagtanggol ang kanyang World Boxing Organization bantam jewels matapos magkasakit sa bisperas ng laban sa Dubai.
Sa chess, tinalo ni Pinay Grandmaster Janelle Mae Frayna si Shania Mae Mendoza sa National Women’s Chess Championships.
Sa karate, nakasungkit ng medalyang pilak sina Junna Tsukii at Jamie Lim sa AKF Asian Karate Championships sa Almaty, Kazakhstan.
Sa fairways, nanguna si Sam Dizon sa girls division ng Singapore Junior Golf Championships sa Keppel Club. (ANN ENCARNACION)
178 
