Noong nakaraang taon ay muntikan nang magkahiwalay sina Dominic Ochoa at ang make-up artist na si Denise Go. Nagkaroon umano nang hindi pagkakaunawaan sa pagitan ng mag-asawa kaya nakaranas nang matinding pagsubok ang kanilang relasyon. “I ran for the office and after that we almost separated because of miscommunication which is nangyayari. Akala natin okay tayo but right there and then, noong last rally namin doon kami nag-away, doon kami naghiwalay, parang boom! Tapos hindi ka pa nanalo, parang mabigat. Pero at the end of the day, it’s all communication. Kailangan maganda ang komunikasyon n’yo. Kailangang iparating mo sa kanya kahit ano ang nasa isip mo. Kasi akala ko ay okay sa kanya na tumakbo ako, okay sa kanya na ganito, hindi pala. So you really need to talk about it, every single thing,” pagbabahagi ni Dominic. Matatandaang tumakbo ang aktor bilang konsehal sa Parañaque pero hindi pinalad na manalo.

Mahigit labing-isang taon nang kasal ang mag-asawa pero nitong nakaraang taon lamang nagkaroon nang matinding away. Ayon kay Dominic ay hindi naman niya hinayaang masira ang sariling pamilya kaya agad na nakipag-ayos sa asawa. “Medyo tagilid noong una pero noong latter part, one has to give in. Hindi ko rin naman kasalanan. Hindi rin naman niya kasalanan. I don’t want to point out kung sino ang may kasalanan dito, kung sino ang may pagkukulang. At the end of the day I feel that I need to do something as padre de pamilya para sa anak ko. Not for my wife but for the family. Mayroon tayong sinumpaan, we have to work things out. So slowly, natutuwa ako ngayon dahil kahit ang dami naming trabaho, mayroon na kaming oras. I see it from her also that she’s trying to find ways to be with the son, to be with me, which is not her. Hindi siya ganoon dati, hindi rin ako ganoon dati. So nakikita namin ‘yung differences without telling na, o hindi na kailangang mag-away kami. So ‘yung effort sa isa’t isa na hindi na kailangang sabihin but bago mangyari ‘yon komunikasyon ang importante. We have to talk about things talaga. huwag mong ipagpabukas. We are not perfect, no one is perfect,” paliwanag ng aktor.

With reports from J.C.C. (BOY ABUNDA X-CLUSIVES)