IKINAIRITA nina Senador Grace Poe at Senate Minority leader Franklin Drilon ang hindi pagdalo ng mga pinuno ng Bureau of Internal Revenue (BIR), Department of Finance (DOF) at iba pang ahensya ng gobyerno sa pagdinig sa isinusulong na Financial Institutions Strategic Transfer Bill.
Ito ay kahit mismong ang mga ahensya ng gobyerno ang nagsusulong ng panukala.
Ayon sa mga senador, bago niratipikahan ang Bayanihan 2 Bill, nakiusap pa ang mga ahensya ng gobyerno na isingit ang FIST bill sa loob subalit dahil kapos sa panahon ay nangako ang mga
mambabatas na mamadaliin na lamang ang approval ng hiwalay na panukala.
“In fact, I’d like to note also that this is a priority measure, and yet it’s disappointing to see that the heads of agencies didn’t really attend. They didn’t attend and so even if we get some information from those agencies, we can’t really be sure if those are official statements from the director of that agency, particularly the BIR,” saad ni Poe.
“It would also be more comforting if a higher level official from each department will do a presentation here and a commitment on what they’re trying to do with this bill that they are proposing we
prioritize.
So hopefully they’ll also show that they are very serious about it,” dugtong pa nito.
Nairita naman si Drilon sa BIR na hindi nagpadala ng high ranking official gayung malaki ang papel ng ahensya sa pagpapatupad ng panukala.
Iginiit pa ng kinatawan ng BIR na hindi nila sinusuportahan ang panukala dahil may epekto ito sa kanilang tax collections partikular ang pagbibigay ng exemptions sa pagbabayad ng buwis.
Sa pagdinig, lumitaw na sa sandaling ipatupad ang FIST, nasa P3.3 bilyon hanggang P13.2 bilyon ang mawawalang buwis sa loob ng limang taon o katumbas ng P2.64 bilyon kada taon. (DANG SAMSON- GARCIA)
208 
