MAAARI nang magpartisipa ang Smart Omega Esports sa anumang DOTA 2 organized competition matapos masangkot sa match-fixing incident sa OB. Moon Studio Asian Arena tournament.
Ayon kay SMART Esports General Manager Chris “Epok” Quimpo, ito ang naging desisyon ng Valve organization matapos silang umapela na mapawalang-sala si coach Chris “CTY” Maldo at players na sina Prince “Prince” Daculan at Ryniel “Zenki” Calvez.
“Just to be clear, yung ban na ipinataw ng Valve is for Dota 2 only, dahil dun nagkamali. After that appeal that we submitted, ipinakita namin yung scenarios. We explained what happened formally, so, I think nung binalikan na kami na-lift na yung ban sa Omega and that is good news not only for the club, but also sa DOTA community,” sabi ni Quimpo sa nakaraang TOPS Usapang Sports on Air.
“Mayroong nagkamali eh, yung aming head coach which he admitted and it was reported to Valve. So, nung naglabas ng initial statement si Valve, kasama kaagad lahat, yun yung in-appeal namin,” paliwanag niya.
“In this case, nakita namin sa Valve na there is due process after appealing. May nagkagulatan dun sa announcement, but at least we appeal… pinakinggan naman yung side ng club.”
Samantala, ipinahayag ng SMART Omega Esports na inalis na sa team sina Maldo, Daculan at Calvez bilang bahagi ng kanilang internal investigation.
201
