PINAPAYAGAN ng PNP – Supervisory Office for Security and Investigation Agencies o PNP- SOSIA ang paggamit ng summer special set of uniforms ng mga private security personnel na naka-deploy sa outdoor areas.

Base sa Uniform and Equipment Board resolution ng PNP-SOSIA at sa babala ng DOH at PAGASA, mapanganib ang kasalukuyang heat index na maaaring magdulot ng heat exhaustion at heat stroke.

Gayunman, ang mga Private Security Service Provider ay kailangang humingi ng Letter of Authority bago gamitin ang summer uniform na sasailalim naman sa pagsusuri ng Uniform and Equipment Board.

Layon nitong maprotektahan ang mga private security personnel sa peligrong dulot ng matinding init.

Ang paggamit ng naturang uniporme ay mananatili lamang hanggang bumalik sa normal level ang heat index.

(TOTO NABAJA)