NALAGUTA ng hininga ang isang 43-anyos na taxi driver matapos barilin sa ulo ng hindi kilalang bicycle riding gunman sa Malabon City noong Miyerkoles ng hapon.

Ayon kay Malabon Police chief, P/Col. Angela Rejano, dead on the spot sanhi ng tama ng bala sa ulo ang biktimang si Eduard Nonong, ng #51 Kaingin Road, Balintawak, Quezon city.

Habang mabilis na tumakas ang suspek lulan ng bisikleta patungo sa Del Monte Avenue, Brgy. Potrero makaraan ang pamamaril.

Ayon sa imbestigasyon ni P/SSgt. Jose Romeo Germinal II, dakong alas-4:00 ng hapon, nakatayo ang biktima sa Banana Road, malapit sa Brgy. Potrero, nang lumapit mula sa likod ang suspek na sakay ng bisikleta at binaril sa ulo si Nonong. (FRANCIS SORIANO)