NILINAW ni House Secretary General Cheloy Garafil na tutugunan ng Kamara ang hiling ng Office of the Ombudsman na isumite ang statement of assets, liabilities and net worth (SALN) ng mga mambabatas.
Ito ay kasunod ng babala ni Ombudsman Crispin Remulla na maaari siyang maharap sa contempt kung hindi agad makikipagtulungan ang Kamara sa kanilang kahilingan.
Iginiit ni Garafil na walang intensyon na suwayin o isnabin ang utos ng Ombudsman.
“We have no intention of showing disrespect or evading our duty to respond. All official communications will be attended to in accordance with the rules and with full respect for the institution,” pahayag niya.
Paliwanag ni Remulla, tumanggi umano ang isang security guard ng Kamara na tanggapin ang subpoena na inilabas para sa SALN ng mga mambabatas.
Gayunman, sinabi ni Garafil na ang onsite work sa Kamara ay tuwing Martes at Miyerkoles lamang bilang bahagi ng work-from-home arrangement dahil sa mataas na presyo ng langis.
Ang hinihinging SALN ay bahagi ng imbestigasyon ng Ombudsman kaugnay sa flood control controversy.
(TINA MENDOZA)
21 
