Ni VT ROMANO
SINIGURO ng Warriors hindi sila kakapusin sa Game 2.
Pinangunahan ni Stephen Curry, may 29 points, ang outstanding shooting ng Golden State, sinabayan ng mahigpit na depensa tungo sa 107-88 win kontra Boston Celtics, Linggo ng gabi (Lunes sa Manila) sa Chase Center sa San Francisco.
Hindi gaya sa Game One kung saan sinayang ng Warriors ang 12-point fourth quarter lead, hindi hinayaan ng tropa ni coach Steve Kerr na maulit iyon.
Tabla na ang serye: 1-1.
Sa Game 2, nakapa na rin ni Jordan Poole ang kanyang ryhthm nang tampukan ang 19-2 run sa huling 4:32 ng third quarter, kasama ang buzzer-beating heave malapit sa midcourt tungo sa 23-point lead papasok sa fourth quarter.
May 1-of-5 sa 3-point range si Poole sa halftime, at may two-point lead ang Warriors. Sa pagtunog ng final buzzer, si Poole ay nakapaglista ng 17 puntos at may five triples. May limang 3-pointers din si Curry (5-of-12).
Dahil sa malaking bentaheng ibinaon, nakapagpahinga ang Warriors starters na paghahandaan ang Game 3 na lilipat sa Boston sa Miyerkoles (Huwebes sa Manila).
“We said we needed to play with desperation and that’s what we did,” lahad ni Curry. “It’s a good feeling to get back on track and now we’ve got to take it on the road.
Dagdag niya: “We got off to a better start defensively where we made an imprint on the game and they felt us more than they did in game one. Our third quarter was great and we got a bit more separation that made the fourth quarter easier tonight.”
Na-outscore ng Warriors ang Boston, 35-14 sa third quarter at hinablot ang 87-64 lead sa fourth.
Muli namang nangapa si Klay Thompson sa kanyang shooting (field), 4-of-19 para 11 points. Habang si Draymond Green ay nag-ambag ng nine points, seven assists at five rebounds, habang si Kevon Looney, 6-of-6 para sa total 12 points.
Lumaban din ang Celtics sa first half, kung saan nagtulong sina Jayson Tatum at Jaylen Brown.
Kung sa Game 1, naitali si Tatum sa 12 points, naglista siya ng 21 sa first half nitong Linggo. Si Ray Allen ang huling Celtics player umiskor ng higit 20 points sa half noong 2010.
Tinapos ni Tatum ang larong may total 28 puntos at 6-of-9 sa 3-point range, may kasamang six rebounds at three assists. Habang si Brown, 17 points, six rebounds at three assists.
Nakaapekto nang todo sa Celtics ang nakomit na 18 turnovers. Bukod kina Tatum at Brown, na nahirapan matapos ang magandang performance sa Game 1, sina Marcus Smart, Al Horford at Robert Williams ay umiskor lamang nang dalawang puntos. Habang off the bench, nagtala si Derrick White ng 12 points.
Kapwa may 40.5% sa 3-point range ang dalawang koponan, pero 34.9% lang ang 2-point shooting ng Celtics.
315 
