3 PULIS-CALOOCAN, PINATAY SI KIAN – KORTE

0

Habang-buhay na pagkabilanggo ang ipinataw na parusa ng korte sa tatlong pulis ng Lungsod ng Caloocan dahil sa pagpatay sa 16-taong-gulang na si Kian delos Santos noong Agosto 2017.

Nakumbinsi si Caloocan City Branch 125 Judge Rodolfo Azucena Jr. na walang dudang “guilty” sina PO3 Arnel Oares, PO1 Jeremias Pereda at PO1 Jerwin Cruz sa pagpatay kay Delos Santos.

Sabi ni Azucena, labag sa Artikulo 248 ng Revised Penal Code alinsunod sa inamiyendahang Republic Act No. 7659.

Makukulong ng 30 taon hanggang 40 (o reclusion perpetua) sina Oares, Pereda at Cruz batay sa tinakda ng batas.

Absuwelto naman silang tatlo sa kasong pagtatanim ng ebidensiya laban kay Delos Santos, sapagkat kapos ang batayan ng prosecution.

Naging kontrobersiyal ang pagkamatay ni Delos Santos noong Agosto ng nakalipas na taon dahil nai-palabas sa TV ang nakunan ng CCTV ang pagkaladkad at pagpatay sa noo’y Grade 11 student.

Maatapos ang insidente, kaliwa’t kanang kritisismo ang iwinasiwas ng oposisyon sa madugong illegal drug operation ng administrasyong Duterte, partikular na kay Pangulong Rodrigo Duterte mismo.

Si Delos Santos ay pinaniniwalang drug runner sa kanilang barangay sa Caloocan, ngunit tahasang itong itinanggi ng kanyang pamilya.

Ikinatuwa naman ni Magdalo party-list Rep. Gary Alejano ang desisyon, sapagkat “ang pag-usad ng kaso ni Kian delos Santos ay isang senyales na may pag-asa pa sa ating bansa.”

Ngunit, idiniin niyang “simula pa lamang ng ating laban para sa hustisya.”

“Walang nakaliligtas sa katarungan. Unang hakbang pa lamang sa pakikipaglaban tungo sa katarungan para kay Kian at iba pang mga biktima ng madugong kampanya laban sa iligal na droga ni Pangulong Duterte,” banggit ni Akbayan party-list Rep. Tom Villarin.

Iginalang din ng Malakanyang ang pasya ng korte.

Read More

PARKS PASOK SA PBA ROOKIE DRAFT 2018

0

Kasama na si Ray Parks sa 2018 PBA Rookie Draft.

Sa pamamagitan ng kanyang twitter account, kinumpirma ni Parks na nagsumite na siya ng kanyang aplikasyon para maging bahagi ng draft.

“At the PBA Office making it official,” saad ni Parks sa kanyang Twitter account na pinatotohanan naman ng kanyang agent na si Charlie Dy.

Nakatakda ang Rookie Draft sa Disyembre 16.

Magiging masaya ang pagpili ng 2018 PBA Draft dahil matagal nang inaabangan ang pagpasok ni Parks sa PBA.

Nang makita ang laro nito sa National University para sa UAAP at sa kalauna’y tanghaling Most Valuable Player, nakitang ‘kailangan’ siya sa PBA.

Ang 25-taong-gulang na si Parks na anak ni many-time PBA best import Bobby Parks Sr. ay naging miyembro din ng Team Pilipinas sa Southeast Asian Games (SEA Games) na tatlong beses nanalo ng ginto.

Kasapi din siya ng Alab Pilipinas at naglaro din sa PBA D-League at sa ASEAN Basketball League.

Naging bahagi rin si Parks ng Gilas Pilipinas noong 2017 Fiba Olympic Qualifying Tournament na ginanap sa Pilipinas.

Naglaro din si Parks sa Mandaluyong El Tigre sa 2018 Maharlika Pilipinas Basketball League (MPBL) Anta Datu Cup.

Sa pagsali ni Parks sa draft, inaasahang nasa top 3 pick siya dahil sa kanyang kahanga-hangang solid credential sa larangan ng basketball.

Ang dalawang pinaniniwalaang kabangga ni Parks sa top pick ay sina Lyceum’s CJ Perez at San Beda’s Robert Bolick.

Read More

P2.2-B SHABU CHEMICALS, P3.7-M SHABU KUMPISKADO SA POLICE OPS

0

(Ni NELSON S. BADILLA)

Nauwi sa pagkakumpiska ng shabu ingredients na makagagawa ng P2.2 bilyong halaga ng shabu, ng P3.7 milyong halaga ng shabu, at pagkakadakip sa dalawang banyaga ang tatlong magkakasunod na operasyon ng pulisya hinggil sa iligal na droga nitong Miyerkules, ayon sa hepe ng National Capital Region Police Office (NCRPO).

Sabi ni Director Guillermo Lorenzo Eleazar sa media na ang unang insidente ay isinagawa ng intelligence unit ng Northern Police District (NPD) ang isang buy-bust operation bandang 5:30 a.m. sa Bagong Barrio, Caloocan City na nagresulta sa pagkahuli ng isang Marvin Yu.

Nakumpiska ang mga tauhan ni Chief Supt. Rolando Anduyan, hepe ng NPD, ng 325 kilo ng shabu na tinatayang P3.7 milyon ang street value.

Matapos nito, ikinasa uli ang ikalawang buy-bust operation batay sa impor-masyong ibinigay ni Yu sa San Juan City.

Sa ganap na 6:30 p.m., nasakote ang isang South Korean chemist na nakilalang si Kim Jong Hee.

Ani Eleazar, pagkatapos nito ay nakumpiska naman ng mga pulis bandang 9:30 p.m. ang iba’t-ibang napakaraming sangkap sa loob ng isang sasakyan na naka-parada sa Ortigas Business Center.

Ang mga kemikal na nakumpiska ay posibleng makagawa ng tinatayang P2.2 bilyong halaga ng shabu, tugon ni Eleazar.

Ang nasabing operasyon ay bahagi ng patuloy na pagsugpo ng pulisya laban sa iligal na droga sa bansa.

Read More

UTOS NG BOC CHIEF LALONG MAGPAPALALA NG KORAPSIYON

0

Sayang ang magandang simula ni Commissioner Leonardo Guerrero sa Bureau of Customs (BOC) dahil sa pagpapalabas ng umano’y maling kautusan na tila ginawang panginoon ng Aduana ang Deputy Commissioner for Intelligence dahil sa lakas ng kapangyarihan na ibinigay dito bunsod ng pagpapatupad ng umano’y sablay na Customs Memorandum Order#24-2018.

Ayon sa naturang kautusan, isinailalim sa “control and supervision” ng Deputy Commissioner for Intelligence ang Risk Management Office (RMO), Accounts Management Office (AMO) at X-RAY Inspection Project (XIP). Ngunit ayon sa mapagkakatiwalaang source ng Newsblast Insight Team (NIT), ito ay hindi alinsunod sa principle of “check and balance” at bagkus ay muling pag “centralize” ng poder sa iisang tao at tanggapan lamang.

Dahil sa sablay umanong CMO#24, sumbong pa ng source ng NIT na tumangging magpabanggit ng pangalan, ay consolidated na sa Customs Intelligence and Investigation Service (CIIS) mula sa pangangalap ng “intel/derogatory report”, pag-alerto sa kargamento, imbestigasyon, “assessment and evaluation”, pag monitor sa x-ray at enforcement o panghuhuli ng mga suspected smuggled o di kaya undervalued na mga kargamento.

Tila ginawa umanong inutil ng naturang kautusan ni Guerrero ang lahat ng ahensya sa Aduana, maliban sa paborito nitong Deputy ng Intelligence na si Ramiro, ayon pa sa NIT source. Kaya malakas umano ang usap-usapan sa customs na “centralized” na rin umano ang transaksyon at koleksyon ng tara para kontrolado umano ng mga bagong opisyal ang magiging kalakaran ng hatagan sa bureau, dagdag na sumbong nito.

Matatandaan umanong sa nakalipas ng dalawang pamunuan sa Customs sa ilalim ng mga nasibak na sina Nicanor Faeldon at Isidro Lapena, ang mga pinalusot na umano’y drugs shipments ay dahil sa kawalan ng intelligence ng mga taga-customs intelligence unit, na sa halip na sana ay nagtatrabaho ay naging abala umano sa pangangalap ng ibang uri ng intelligence na mas kilala sa tawag na “intelihensya”, pahayag pa ng source sa NIT.

Read More

BOC AT PDEA KONTRA SMUGGLING NG ILEGAL NA DROGA

0

Pinagtibay nina Philippine Drug Enforcement Agency (PDEA) Region 7 Director Wardley Getalla (kaliwa) at Bureau of Customs District collector Atty. Elvira Cruz (kanan) ang ugnayan ng ahensiya kontra smuggling ng ilegal na droga matapos lagdaan ang Memorandum of Agreement (MOA) hinggil sa pagkakaloob ng BOC Cebu ng magiging sariling tanggapan ng PDEA field office sa nasabing rehiyon.

Read More

2 PUNTOS NG UP FIGHTING MAROONS, TUMAPOS SA ADAMSON SA OT

0

Dalawang puntos ang nagpanalo sa University of the Philippines Fighting Maroons.

Dahil sa dalawang puntos na ito, tinapos ng Fighting Maroons ang 32 taong pagkawala sa UAAP Finals.

Kaya naman, hindi magkaumayaw ang UP community kung saan nila ibabalagbag ang kanilang kaligayahan sa paligid ng Smart-Araneta Coliseum.

Kakaiba ang panalo ng UP dahil nangyari ito sa isang overtime o OT.

Pihadong maimamarkang isang “klasikong do-or-die match up” ang paghaharap ng UP Fighting Maroons at Adamson Soaring Falcons dahil naganap ang pagpasok ng bola sa ring upang lumamang ang una sa huli ng dalawang puntos (89 – 87) sa loob ng limang minuto.

Dahil dito, UP ang makasasagupa ng Ateneo de Manila sa title series para sa Season 81 ng men’s basketball tournament na magsisimula sa Sabado sa Mall of Asia Arena sa Pasay City.

Tiyak, mapapalaban nang husto ang Ateneo dahil uhaw na uhaw sa panalo ang UP.

Sa labang naganap kagabi, lakas-loob na ipinukol ni Paul Desiderio ang isang jump shot sa huling 6.6 seconds, at na-pressure ng Fighting Maroons si Adamson guard Jerom Lastimosa na tumira ng three-pointer, at nagmintis.

Nakakapanghinayang naman ito sa panig ng Soaring Falcons, na inangkin ang twice-to-beat incentive nang tapusin ang elims na may 10-4 win-loss card.

Pero, mas determinado ang UP nang hablutin ang first game, 73-71 noong Sabado buhat sa game-winning basket ni Bright Akhuetie.

Si Akhuetie rin ang nagpalawig sa six-point lead ng UP sa overtime ng do-or-die match.

Agad kinuha ng UP ang 16-point na abante, bago nakabawi ang Adamson sa third quarter, kung saan na-outscored ng Soaring Falcons ang Maroons, 23-4 sa final 5:43 tungo sa 67-64 lead papunta sa fourth.

Mula dito, nagpalitan na ng basket ang magkabilang koponan.

Sa 78-75 count pabor sa UP, buong tapang na tumira si Lastimosa ng three-pointer na nagtabla sa iskor sa huling 2.6 seconds.

May tsansa sana ang UP na makaiskor at makaiwas sa overtime, subalit nagmintis sa tres si Desiderio sabay sa pagtunog ng buzzer.

Hanggang sa umabot sa OT na nagpatigil sa ligaya ng Adamson.

“Our hardwork paid off, it wasn’t without challenges,” mangiyak-ngiyak na pahayag ni UP coach Bo Perasol.

“This team will fight no matter what [would happen],” bigwas ni Perasol.

Huling naging kampeon ang Up Fighting Maroons noong 1986.

Maulit kaya ito?

Read More

15 ANYOS, KALABOSO SA CARNAPPING

0

(Ni CHE ALMADIN)

Isang 15 anyos na binatilyo ngayon ang inaresto ng mga awtoridad matapos na magawang magnakaw ng sasakyan ng isang negosyante sa Lungsod ng Caloocan kamakalawa ng gabi.

Sa ulat ng Caloocan City Police ay ganap umanong alas 9:40 ng gabi nang maganap ang insidente sa isang basketball court na matatagpuan sa Barangay 12, Dagat- Dagatan ng nasabing lungsod.

Ayon sa biktimang si Antonio Pantoja, 53 anyos ay sandali lamang umano niyang ipinarada sa lugar ang kanyang Yamaha Mio na motorsiklo upang daanan ang isang kaibigan ngunit ilang minuto lang pagbalik niya ay wala na ang kanyang sasakyan.

Mabilis siyang nakipagugnayan sa nasabing barangay at nang usisain ang mga kuha ng CCTV ay doon na nakitang isa lang palang binatilyo ang tumangay nito na itinago sa pangalang Luis, 15 anyos, out of school youth na kilala pa mismo ng mga taga- barangay, agad nilang pinutahan ang bahay nito at doon na nga narecover ang motorsiklo ng biktima.

Agad ding naaresto ang binatilyo ay itinurn over sa City Social Welfare and Development Office (CSWDO) na bagamat menor de edad pa ay tuluyan pa ring nasampahan ng kasong paglabag sa RA10883 o Anti-Carnapping Act.

Read More

P60M NG BAWAT CONGRESSMAN, P200M NG BAWAT SENADOR, HINDI PORK — ANDAYA

0

(Ni ABBY MENDOZA)

Kinumpirma ni House Majority Leader Rolando Andaya na  may matatanggap na milyong pondo ang mga kongresista at senador sa 2019 budget  para magamit sa kanilang mga programa at proyekto ngunit nanindigang hindi ito maihahalintulad sa pork barrel funds.

“The underlying principle here: no district will be left behind. All will get a piece of the pie for the benefit of their constituents. These are not pork barrel funds declared illegal by the Supreme Court,” paliwanag ni Andaya.

Una nang sinabi ni Lacson na ang nasabing pondo ay galing sa realligned budget ng Department of Public Works and Highways (DPWH).

Giit ni Andaya na walang sinumang mambabatas ang makakapag-order na ilabas ang pondo para sa kanilang proyekto bagkus ay daraan ito sa Department of Budget and Management  (DBM) at aaprubahan ng DBM Secretary.

“In our system of government, no member of the legislative branch can order the downloading of funds from the treasury. Walang karapatan o kapangyarihan ang sinoman sa Senado o House of Representatives na magpamudmod ng pondo para sa proyekto,” paglilinaw ni Andaya.

Read More

CONSTRUCTION WORKER KRITIKAL SA SCAFFOLDING

0

(Ni CHE ALMADIN)

Nasa kritikal na kalagayan ngayon ang isang construction worker dahil sa malubhang pinsala nito sa katawan makaraang mag-collapse ang scaffolding na kanilang ginagamit sa pagi-install ng mga metal at tamaan ito sa Lungsod ng Malabon kamakalawa ng hapon.

Sa ulat ni Malabon City Police Chief SSupt. Jessie Tamayao, ganap umanong alas – 5:00 pasado ng hapon nang maganap ang insidente sa loob ng kakabukas lamang  na Fisher Mall na matatagpuan sa kanto ng C4 Road at Dagat -Dagatan Avenue, Barangay Longos ng nasabing lungsod.

Kasalukuyan umano noong nagi-install ng “metal paring” sa loob ng nasabing mall ang biktimang si Dino Bazar, 38 anyos ng C. Arellano Street Bacoov, Sta. Mesa, Manila kasama ang katrabahong si Elchie Benitez, 29 anyos, nang bigla na lamang mag-collapse ang scaffolding na kanilang gamit kaya   mahulog ang metal  kasabay ang biktima.

Agad namang naisugod ng kanyang mga katrabaho ang biktima sa Tondo Medical Center na ngayon ay nasa kritikal na kundisyon at inoobserbahan ang kalagayan.

Ang nasabing mall ay pagmamay-ari ng isang negosyanteng si Ray Del Rosario ng Mallers Management Corporation na naka-schedule ang soft opening ngayong araw at ang grand opening sa darating na 2019.

Read More