AFTER NORA NOONG 1995; JUDAY BEST ACTRESS SA CAIRO INT’L FILMFEST

0

olea(NI JERRY OLEA)

BEST actress si Judy Ann Santos sa 41st Cairo International Film Festival  (CIFF, Nobyembre 20-29) sa Egypt para sa pelikulang Mindanao na idinirek ni Brillante Mendoza.

Ginanap ang awards night nitong Nobyembre 29, Biyernes (Sabado ng umaga sa Pilipinas) sa Cairo Opera House.

Nasungkit din ng Mindanao ng Henry Barakat Award for Best Artistic Contribution.

Ang Mindanao ay isa sa walong official entries ng 45th Metro Manila Film Festival (MMFF) na mag-uumpisa sa December 25.

Si Juday ang ikalawang Pinay na nag-best actress sa CIFF.

Nag-best actress si Nora Aunor noong 1995 sa nasabing filmfest para sa The Flor Contemplacion Story (idinirek ni Joel Lamangan), na nagwagi rin ng Golden Pyramid Award (best picture).

Kapagkuwan ay nag-best actress si Ate Guy sa 1995 Metro Manila Film Festival para sa Muling Umawit Ang Puso (na idinirek din ni Joel Lamangan).

Sinundan ng young superstar na si Juday ang mga yapak ng Superstar na si Ate Guy sa Cairo.

Will history repeat itself sa MMFF?

OSCAR-WINNING US WRITER-DIRECTOR

Ang Cairo jury ay pinangunahan ng Oscar-winning U.S. writer-director na si Stephen Gaghan (nagdirek ng Syriana).

Best actor sa 41st CIFF ang baguhang si Juan Daniel Garcia Trevino para sa Mexican film na I’m No Longer Here.

Ang nasabing pelikula ang nagtamo ng Golden Pyramid Award.

Ang Silver Pyramid award ay ipinagkaloob sa Ghost Tropic (Belgium), at nagtabla sa Bronze Pyramid for best first or second work ang The Fourth Wall (China) at A Certain Kind of Silence (Czech Republic).

Naguib Mahfouz Award for Best Screenplay ang Between Heaven and Earth (Palestine).

Ang CIFF ay isa sa 15 international filmfests na nasa kategoryang “A” ng International Federation of Film Producers Associations (FIAPF, Fédération Internationale des Associations de Producteurs de Films).

GRADED A BY CINEMA EVALUATION BOARD

Isinulat ni Rasha Hosny sa CIFF website kaugnay sa Mindanao, “Brillante Mendoza expresses a complex of human emotions depending on a harsh and painful reality as well as a very special life experience, in a unique cinematic style that combines animation to tell the epic tale of Princess Mindanao who casts a shadow over the civil war that tore the Philippines apart.”

Ang Mindanao ay nakakuha ng gradong A mula sa CEB (Cinema Evaluation Board).

Nag-world premiere ang Mindanao sa 24th Busan International Film Festival (Oktubre 3-12) sa South Korea, kung saan dumalo si Juday kasama ang mister na si Ryan Agoncillo.

Apat na filmfest ang pinuntahan ng Mindanao nitong Nobyembre — Taipei Golden Horse Film Festival (TGHFF) sa Taiwan, Kolkata International Film Festival (KIFF) sa India, Tallinn Black Nights Film Festival (TBNFF) sa Estonia, at Cairo International Film Festival (CIFF).

Ang Mindanao ay isinulat ni Honee Alipio. Tungkol ito sa mga pagsubok ni Saima (Judy Ann Santos) na asawa ng military medic (Allen Dizon). Ang anak nilang batang babaeng (Yuna Tangog) ay may kanser.

Kasama rin sa cast ng Mindanao sina Ketchup Eusebio, Epy Quizon, Ruby Ruiz, Richard Manabat at Vince Rillon.

 

Read More

GAGAMITIN SA CASINO? P6-B CASH IDINAAN SA NAIA

0

(NI ABBY MENDOZA)

IBINUNYAG ni ACT CIS Rep. Eric Yap na may P6 bilyong cash ang pumasok sa bansa mula sa Ninoy Aquino International Airport (NAIA) sa pagitan lamang ng buwan ng Seyembre hanggang Oktubre na nanggaling sa Hongkong at Singapore.

Ayon kay Yap, male-maleta nang dumating ang mga pera na ang may bitbit ay mga Pinoy base na rin sa kanilang mga pasaporte, nang tanungin ay gagamitin umano ito sa casino.

Sinabi ni Yap na walang batas na nagbabawal magpasok ng malaking halaga sa bansa basta lamang ideklara ito.

Nangangamba ang mambabatas na ang loopholes na ito ay samantalahin ng ilang grupo at dahil hindi namomonitor kung saan dinadala ang malaking pera na pumapasok sa bansa ay maaaring gamitin ito para pondohan ang destabilisasyon at terorismo.

Ani Yap, hindi sya naniniwala na sa casino gagamitin ang malaking cash na dumating sa bansa dahil mayroon namang patakaran ang mga casino companies na junket operation kung saan ang mga players na may dalang pera ay kanilang sinerbisyuhan at hindi na kailangang magdala ng male-maletang cash sa airport.

Sa pag-iimbestiga ni Yap, lumilitaw na mga dummy o mule lamang ang mga Pinoy na may dala ng pera, sa 6 hanggang 8 pagkakataon na nagpasok ito ng malaking halaga sa NAIA sa loob ng 2 buwan ay nabatid na magkakaiba ang pangalan ng mga ito subalit iisa lamang ang apelyido.

“Ang tanong ay para kanino yung pera, dahil siguradong hindi ito dun sa mga Filipino na may dala ng cash dahil unang una ay bakit nasa economy class lang sila sumakay. Kung negosyante ito o may ari ng pera bakit hindi bank to bank transactions, bakit bibitbitin sa airport na may posibilidad na manakaw o mawala,” paliwanag ni Yap kung saan naniniwala ito na may piniling bitbitin ang pera at hindi idaan sa bangko para walang paper trail.

Nilinaw ni Yap na hindi siya tutol sa pagpasok ng malalaking halaga ng pera sa bansa dahil makatutulong ito sa ekonomiya ng bansa dahil maaaring gagamitin ang pera sa negosyo o pagbili ng mga properties subalit ang kanya umanong ikinababahala ay maaaring dahil sa maluwag ang batas at hindi namomonitor ang ganitong pagpasok ng bilyon-bilyong halaga ng pera ay maaaring magamit ito sa iba gaya na lang sa terorismo.

“Kapag nai-declare kasi sa airport yung dalang pera wala na, hindi na natin alam kung saan ito napunta, saan gagastusin at kung ano ba ang background ng may dala nito, ito yung loopholes ng batas na ating sosolusyunan,” pahayag ni Yap na nakatakdang maghain ng panukalang batas sa Kamara na naglalayong busisiin pa ng Bureau of Customs(BoC) ang ganitong pagpasok ng malalaking halaga sa bansa at hindi limitahan lamang sa pagdedeklara na may dalang cash.

Aminado si Yap na matagal pa bago maipasa ang batas para dito kaya naman habang wala pang batas ukol dito ay inirekomenda niya sa BoC na magkaroon ng guidelines para mamonitor ang ganitong mga kaso.

Nais din ni Yap na makipag ugnayan ang BoC sa kanilang mga counterpart partikular sa mga bansa kung saan nanggaling ang malaking halaga upang mavalidate ang pinagmulan ng pera.

Hiniling din ng mambabatas sa BoC na magsumite ng report kung ilang pagkakataon na nangyari ang ganitong pagpasok ng pera ngayong taon at gaano ito kadalas na mangyari.

Read More

PNP, NBI NAIS BIGYAN NG NGIPIN VS CYBER CRIMINAL

0

(NI ABBY MENDOZA)

ISANG panukala na magbibigay kapangyarihan sa Philippine National Police(PNP) at National Bureau of Investigation(NBI) na makapagsagawa ng electronic at communications surveillance sa mga cyber criminals na sangkot sa human trafficking at sexual exploitation ang isinusulong sa Kamara.

Ayon kay Bagong Henerasyon Partylist Rep. Bernadette Herrera-Dy, may akda ng House Bill 5651, magtatagumpay ang kampanya laban sa human trafficking at sexual exploitation kung mismong mga awtoridad ay mayroon ding kakayahan gaya ng mga ginagawa ng mga cyber criminals.

Sa panukala ni Herrera-Dy ay hinihiling nito na bigyan ng awtorisasyon ng korte ang PNP at NBI na makapagsagawa ng electronic monitoring sa mga sangkot sa human trafficking gayundin ay nais nitong isama bilang miyembro ng Inter Agency Council on Trafficking ang mga opisyal ng DICT, DoTr, DOH, OWWA, at NBI.
“House Bill 5651 empowers the courts, PNP, and NBI to fight the cyber criminals using the new technologies the criminals also have. This law updates the crime-fighting capabilities of the PNP, NBI and the courts. Adding the heads of other agencies  to the membership of the Inter-Agency Council on Trafficking will also help for a more holistic approach to fighting human trafficking,” paliwanag ni Herrera-Dy.

Sa oras na maisabatas ang panukala ng lady solon ay aamyendahan nito ang ilang probisyon sa Republic Act 9208 o ang Anti Human Trafficking Law.

“Kinailangan ang mga amendments na ito para bigyang-kakayahan ang PNP at NBI na labanan ang human traffickers and sex predators sa internet, social media, mobile messaging, at lahat ng sulok ng cyberspace. Naroon ang mga kriminal kaya doon din sila dapat tugisin, manmanan, at labanan ng PNP at NBI,”pagtatapos pa ni  Herrera.

 

Read More

DAHIL KAY CALOY YULO, GYMNASTICS DUDUMUGIN

0

(NI VT ROMANO)

INAASAHANG dudumugin ang bagong bihis na Rizal Memorial Coliseum, upang saksihan ang pagsabak ni world champion Carlos Edriel Yulo sa 30th SEA Games gymnastics competition simula ngayon.

Sasalang ang 19-anyos na si Yulo sa pitong events ng biennial meet, kung saan siya ay paborito sa floor exercise event, matapos na maging kauna-unahang Filipino na nagwagi ng gold medal sa World Championship kamakailan sa Stuttgart, Germany.

Ang panalo ni Yulo sa Germany ay nagbigay sa kanya ng tiket para makalahok sa Tokyo Olympics sa 2020.

Sa unang araw ng kompetisyon ay all events ang nakalinyang paglabanan at inaasahang dadagsa ang mga susuporta kay Yulo, pati na sa iba pang atleta ng Pilipinas.

May kabuuang 23 atletes ang pambato ng Gymnastics Association of the Philippines (GAP), na tatarget ng 10 gold medals.

Sa 2017 SEA Games sa Kuala Lumpur, ang Pilipinas ay nakapag-uwi ng dalawang gold buhat kina Kaitlin de Guzman at Reyland Capellan, makaraang manguna sa women’s artistic uneven bar at men’s artistic floor exercise, ayon sa pagkakasunod.

“The team is very positive heading into the Games. There is some nervousness, of course, since we are also playing here at home but the athletes are not allowing it to affect their focus. We are targeting at least 10 gold medals,” lahad ni GAP secretary Bettina Pou sa panayam.

Ang gymnastics events ay sisimulan ng artistic gymnastics simula ngayon hanggang Disyembre 4. Habang ang rhythmic gymnastics ay nakatakda sa Disyembre 6-7 at Disyembre 9 naman ang aerobics gymnastics.

Read More

LPG MAY DAGDAG-PRESYO BUKAS

0

(NI ROSE PULGAR)

BUKAS, (Disyembre 1), ay may dagdag na presyo sa Liquefied Petroleum Gas (LPG) na ipinatupad ang ilang kumpanya ng langis sa bansa.

Pinangunahan ng Petron Corporation ang pagpapatupad ng pagtaas ng P0.25 kada kilo sa presyo ng kanilang Gasul at Fiesta Gas katumbas ng P2.75  na dagdag presyo sa bawat 11 kilogram na tangke nito na epektibo mamayang alas- 12:01 ng hatinggabi (Disyembre 1).

Bukod dito, tinaasan din ang kanilang Xtend Auto-LPG ng P0.15 kada litro na karamihan ay ginagamit ng mga taxi.

Aasahan naman ang pagsunod ng iba pang kumpanya langis tulad ng Solane sa kaparehong dagdag-presyo sa LPG at Auto-LPG kahit hindi pa naglalabas ng abiso ang mga ito.

Ang bagong price hike ay bunsod ng pagtaas ng contract price ng LPG sa pandaigdigang pamilihan.

Tuwing unang araw ng buwan, ang may paggalaw sa presyo ng LPG pinatutupad ng mga kumpanyang langis sa bansa.

Read More

BAGYONG TISOY PUMASOK NA NG BANSA, SAMAR NASA  SIGNAL NO 1 NA

ulan55
0

(NI ABBY MENDOZA)

PUMASOK na ng Philippine Area of Responsibility(PAR) ang bagyo na may international name na Kammuri at pinangalanan na itong Tisoy, kasabay nito ay inilagay na sa Storm Signal No 1 ang Eastern at Northern Samar.

Ayon sa Philippine Philippine Atmospheric, Geophysical, and Astronomical Services Administration (PAGASA) napanatili ng bagyo ang lakas nito pagpasok ng bansa, taglay nito ang lakas ng hangin na 150 kph, bugso na 185kph at kumikilos sa bilis na 15kph. Huli itong namataan 1,165 kilometers East ng  Virac, Catanduanes.

Sinabi ng Pagasana sa Disyembre 2, Lunes ng hapon o sa Disyembre 3, Martes, ng umaga magla-landfall ang bagyo sa Bicol.

Sa forecast ng Pagasa, makararanas ng malakas at madalas na pag-uulan sa December 2 ang Bicol

Eastern Samar, Northern Samar, Samar, Biliran.

Madalas subalit katamtaman na ulan naman sa Romblon,Marinduque at Quezon.

Sa Disyembre 3 ay tuloy-tuloy at malakas na pag-uulan at mararanasan sa Metro Manila, Bicol Calabarzon, Occidental Mindoro, Oriental Mindoro, Marinduque, Romblon, Zambales, Bataan, Pampanga at Bulacan.

Nagbabala ang Pagasa na may dalang malakas na hangin ang bagyo kaya inaasahan ang pinsala gayundin ay asahan ang malalakas na paguulan na maaaring magdulot ng flashfloods at landslide kaya pinapayuhan ang mga naninirahan sa mga low lying areas at malapit sa mga bundok na maging handa sa paglikas.

Pinagbabawal din ang paglalayag sa mga lugar na may storm signal.

 

Read More

TAMANG PAGGASTOS NG PERA ITUTURO SA ELEMENTARYA

0

(NI DANG SAMSON-GARCIA)

ISINUSULONG ni Senador Win Gatchalian ang panukalang mag-oobliga na ituro sa lahat ng antas ng paaralan ang wastong paggamit ng salapi o ang subject na Economics and Personal Finance (EPF).

Iginiit ni Gatchalian na makakatulong ito upang mai-angat ang antas ng financial literacy o sapat na kaalaman sa tamang paggamit ng salapi.

Sa ilalim ng Senate Bill 1192 o ang “Economics and Financial Literacy Curriculum Act of 2019”, kakailanganin ng mga mag-aaral mula elementarya hanggang kolehiyo na kumuha ng kursong EPF bago makapagtapos.

Sa elementarya, ilan sa mga pag-aaralan ang pag-iipon, paghahanda ng budget at tamang pagpapasya sa mga gastusin. Sa high school at kolehiyo naman tatalakayin ang mga mas komplikadong usapin tulad ng credit, investments, mortgages at yung tinatawag na retirement planning.

“Halos 18 taon o higit pa ang ginugugol ng mga bata para sa pag-aaral, ngunit nagtatapos silang kapos ang kaalaman sa tamang paggamit ng pera o salapi. Pag nagtatrabaho na sila, ginagawa nilang biruan ang petsa de peligro, pero hindi biro ang kakulangan nila ng kaalaman pagdating sa paghahanda sa kanilang kinabukasan,” saad ni Gatchalian.

Batay sa Global Financial Literacy survey na isinigawa ng kumpanyang Standard & Poor’s, 25% lamang ng mga pinoy ang matuturing na financially literate.

“Sa paghahain natin ng ganitong batas, matuturuan natin ang mas maraming kabataan na maging mas responsable at handa lalo na’t darating ang panahon na aako sila ng mas maraming responsibilidad,” pahayag ng senador.

Read More

BILANG NG MAG-AARAL SA BAWAT KLASE PINALILIMITAHAN

students12
0

(NI DANG SAMSON-GARCIA)

NAIS ni Senador Grace Poe na limitahan ang bilang ng mga mag-aaral sa bawat klase upang makatiyak na de kalidad na edukasyon ang maibibigay sa kanila.

Sa kanyang Senate Bill 1190, iginiit ni Poe na dapat magkaroon ng regulasyon para sa bilang ng mga mag-aaral sa isang klase at magkaroon ng dagdag na insentibo sa mga guro na humahawak ng mas malaking klase.

Ipinaalala ni Poe na ang edukasyon ang pundasyon ng bansa at tungkulin ng estado ang promosyonng de kalidad na edukasyon sa lahat ng antas subalit hindi naman anya nagtatapos sa paniniyak na papasok sa paaralan ang mga estudyante bagkus ay tiyaking may matutunan ang mga ito.

Lumitaw anya sa pag-aaral na  ang malaking dahilan ang dami ng mag-aaral sa klase sa kalidad ng pagtuturo at matututunan ng ga estudyante.

Gayunman, dahil sa limitadong resources, tulad ng kakapusan ng guro at silid-aralan, 70% ng mga paaralan sa Metro Manila ang nagpapatupad ng double shifts at tumatanggap ng malalaking klase.

Lumalabas na ang public elementary school’s average class size ng bansa ay 43.9 na mas malaki sa Malaysia na ay average na 31.7;  Thailand, 22.9;  Japan,  28.6 at India, 40.

Sa public secondary schools, ang average size ng klase sa Pilipinas ay 56.1; 34 sa Malaysia; 41.5 sa Thailand; 33. 9 sa Japan at 39 sa India.

Sa ilalim ng panukala, ang standard class size na hahawakan ng isang guro ay dapat na 35 na mag-aaral subalit papayagan nag large class size na hanggang 50.

Gayunman, ang mga guro na hahawak sa Large Class  size ay dapat na tumanggap ng large honorarium na katumbas ng  1.0%  ng kanyang arawang sahod.

Kung papasa ang panukala, maglalaan ng gobyerno ng inisyal na P5 bilyong pondo para sa implementasyon nito.

 

Read More

HOSTING SA SEA GAMES, ISALANG SA POST AUDIT  — SOLONS

SENATE
0

(NI DANG SAMSON-GARCIA)

PABOR ang dalawang senador na magsagawa ng post-audit o analysis sa pamamahala ng Pilipinas sa 30th Southeast Asian Games.

Ito ay upang matukoy ang mga kamalian at kung may iregularidad na nangyari sa mga aktibidad na isiganawa gayundin sa pagtatayo ng mga pasilidad para sa kompetisyon.

Ayon kay Senate Majority leader Migz Zubiri, kailangan ding matukoy ang mga pagkakamali sa hosting upang matiyak na masasaayos ito para sa susunod na kaganapan ng bansa.

“Automatic naman yan, magkakaroon ng post analysis, ano pa pwedenggawing maayos for next hosting, ano naging mali, so yan ang mangyayari for sure. I don’t want to say investigation but post assessment on how we could done it better,” saad ni Zubiri.

Sinabi naman ni Senador Win Gatchalian na lahat dapat pag-aralan kasama na kung tama o mali ang paggatos ng pondo.

“Sang-ayon ako sa post event analysis. Sa lahat ng event dapat pag-aralan natin ano ba ang pagkakamali natin, san ba tayo nagkamali, san ba tayo nagkulang. Kasama na ang paggastos. Titignan din natin kung kulang ba paggastos o sobra sobra ba? Kasi darating ang araw maghohost uli tayo kaya pagaralan natin ang mga pagkukulang natin para pag dumating ang panahon na tayo ay maghost alam natin ano ang gagawin,” giit ni Gatchalian.

Subalit sa ngayon, ayon sa dalawang senador mas magandang magkaisa para sa pagsuporta sa mga atleta upang lumakas ang loob ng mga ito sa kompetisyon.

 

Read More