KINASUHAN na ang 12 mga pulis na sangkot sa isinagawang hazing sa welcome rites sa mga bagong destinong pulis sa Lamitan City, Basilan. Kasong paglabag sa RA 11053 o Anti-Hazing Act of 2018 ang naisampa sa mga pulis na kinabibilangan ng isang police colonel; isang police major; limang police corporals at limang patrolmen. Sa isinagawang pulong balitaan sa Camp Crame, sinabi ni PNP Spokesperson P/BGen. Randulf Tuaño, sa kabuuan, 77 PNP personnel ang sinibak sa pwesto at 22 sa mga ito ang nasa restrictive custody na. Inaasahan naman na tataas…

ANIM pang bangkay ng mga pasahero ang narekober ng technical divers mula sa lumubog na MV Trisha Kerstin 3 sa Baluk-Baluk Island Basilan, na nagdala sa kabuuang bilang ng mga nasawi sa 51. Natagpuan ang limang bangkay ng technical divers nang magsimulang sumisid dakong alas-6 ng umaga sa lalim na 180 feet sa loob ng barko sa bahagi ng unang deck ng economy accommodation area. Samantala, isa pang bangkay ang narekober sa lalim na 187 feet sa loob din ng accommodation area ng lumubog na barko. Agad na isinakay ang…

NADAKIP ang dalawang suspek sa ilegal na droga kabilang ang dating karelasyon ng isang tinaguriang “ninja cop” at isang dating opisyal ng barangay sa buy-bust operation sa Pasay City na nagresulta rin sa pagkakakumpiska ng humigit-kumulang ₱170,000 halaga ng shabu. Kinilala ni Pasay City Police Chief Col. Joselito De Sesto ang mga suspek na itinago sa mga alyas na “Sheryl,” 40, at “Vince,” 53, kapwa itinuturing na high-value individuals. Inaresto ang mga suspek sa parking area ng isang sangay ng McDonald’s sa kanto ng F.B. Harrison at Villaruel Streets, Pasay…

BUNSOD ng patuloy na pag-aalboroto ay nagbuga ng lava ang bulkang Mayon, iniulat ng Philippine Institute of Volcanology and Seismology (Phivolcs) nitong Sabado, Pebrero 7, 2026. Sinabi ng Phivolcs na nakataas sa alert level 3 ang paligid ng Bulkang Mayon. Ayon pa sa Phivolcs, bukod sa pagbuga ng lava ay namataan din ang pag-agos ng lava sa bunganga ng bulkan. Nabatid pa sa ulat na naitala rin ang dalawang volcanic earthquake sa paligid ng bulkan, at 335 beses na pagguho ng bato. Idinagdag pa sa ulat na bukod sa pagyanig…

UMABOT na sa 12 ang bilang ng mga nasawi dulot ng pananalasa ng Tropical Storm Basyang, ayon sa pinakahuling ulat ng Office of Civil Defense (OCD) hanggang alas-6 ng gabi nitong Sabado. Ayon sa OCD, siyam sa mga nasawi ay naitala sa Northern Mindanao (Region 10). Apat sa mga ito ang namatay matapos matabunan ng landslide sa Cagayan de Oro City, habang apat naman ang nasawi sa Lanao del Norte. Isa pang kaso ang patuloy pang bineberipika ng mga awtoridad. Tatlo naman ang naitalang nasawi sa Caraga Region dahil sa…

NABABAHALA si Senior Citizens Party-list Representative Rodolfo “Ompong” Ordanes sa brutal na pagpatay sa isang retiradong opisyal ng Armed Forces of the Philippines (AFP) sa Matalam, Cotabato kahapon. Ang biktimang si retired Col. Leonardo Songcaya ay ang pangulo ng Cotabato Provincial Federation of Senior Citizens Associations of the Philippines. Pinamumunuan din ni Songcaya ang Kidama Communal Irrigator’s Association, na nagsusulong ng interes ng mga magsasaka sa Region 12. Ayon pa kay Ordanes sa kabila ng pagiging stroke victim, aktibo at masigasig ang biktima sa pangangalaga sa mga karapatan, kapakanan at…

WALANG pagsidlan ng tuwa ang mahigit 5,500 bagong abogado matapos ang kanilang oathtaking at Roll Signing Ceremony na pinangunahan ng Korte Suprema sa Philippine Arena sa Bulacan. Kabuuang 5,572 bagong abogado ang opisyal nang naging bahagi ng Philippine Bar matapos pumasa sa 2025 Bar Examinations. Dumalo sa makasaysayang seremonya ang mga bagong abogado kasama ang kanilang pamilya at mahal sa buhay. Pinangunahan ng En Banc ng Korte Suprema ang naturang programa na ginanap sa isa sa pinakamalaking indoor arena sa bansa. Nagmula ang bilang ng mga nakapasa mula sa 11,425…

PORMAL nang inilunsad ng Department of Agriculture (DA), sa pamamagitan ng Export Development Office (EDO), ang Agri-Export Help Desk upang palakasin ang suporta sa mga agricultural exporter sa bansa. Inilunsad ang inisyatiba noong Enero 16, 2026 bilang isang one-stop platform na layong pabilisin ang mga serbisyo, palakasin ang koordinasyon ng mga ahensya ng gobyerno, at magbigay ng agarang tulong sa mga stakeholder sa sektor ng agri-export. Ayon sa DA, hindi lamang ito simpleng reporma sa proseso kundi magsisilbing tulay sa pagitan ng pribadong sektor at regulatory agencies ng kagawaran. Layunin…

TINANGGAL sa serbisyo ang 53 pulis nitong Enero bilang bahagi ng pinaigting na kampanya kontra katiwalian ng Philippine National Police (PNP). Bukod sa mga sinibak, 88 pulis ang sinuspinde habang 27 naman ang nireprimand, dahilan upang umabot sa 180 personnel ang pinatawan ng disciplinary action sa loob lamang ng isang buwan. Muling iginiit ni PNP Chief PGen. Jose Melencio Nartatez Jr. ang mahigpit na zero-tolerance policy laban sa anomang uri ng maling gawain ng mga pulis. Binigyang-diin ni Nartatez na hindi palalampasin ng pamunuan ang mga paglabag upang mapanatili ang…