TINATAYANG umabot sa P8.8 milyong halaga ng ilegal na droga ang nasabat ng mga ahente ng Bureau of Customs sa unclaimed parcels.
Ayon kay Custom Commissioner Ariel Nepomuceno, kaugnay sa direktibang ibinaba ni President Ferdinand R. Marcos Jr. na palakasin ang border protection at paigtingin ang anti-drug campaign ng pamahalaan, nasabat ng Aduana ang tatlong unclaimed parcels na naglalaman ng hinihinalang illegal drugs na nagkakahalaga ng P8,839,600.00 sa Ninoy Aquino Airports.
Ayon sa ulat, nagsagawa ng interdiction operation ang BOC-Ninoy Aquino International Airport (BOC-NAIA), katuwang ang Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG), at dito ay nasabat ang tatlong unclaimed parcels na naglalaman ng droga sa warehouse facility sa Pasay City noong Sabado.
Nabatid na idineklara na mga electronic equipment at garments ang laman ng mga padala, subalit minarkahan ang mga ito sa isinagawang x-ray screening at isinailalim sa K-9 sweeping, na nagresulta ng positive indications.
Bunsod nito, iniutos na isailalim ang parcels sa physical inspection kung saan nadiskubre na ang isang kahon ay naglalaman ng 992 grams ng methamphetamine hydrochloride o shabu, habang ang dalawa pang parcels ay naglalaman naman ng 1,396 gramo ng high-grade marijuana, locally known as kush.
Pansamantalang inilagay sa kustodiya ng BOC-NAIA sa Collector’s Corral ang nasabat na droga para sa confirmatory laboratory testing ng PDEA at kaukulang follow-up investigation.
“The case constitutes violations of Republic Act No. 10863 (Customs Modernization and Tariff Act), particularly Section 1400 (Misdeclaration), Section 1401 (Unlawful Importation and Exportation), and Section 117 (Regulated Importation and Exportation), in relation to Section 1113 (f), as well as Republic Act No. 9165 (Comprehensive Dangerous Drugs Act of 2002, as amended),” ani Comm. Nepomuceno.
“The Bureau of Customs is determined to uncover and stop every attempt by drug traffickers to sneak illegal substances into our country. We remain steadfast in protecting our borders and shielding our communities from the harms of illegal drugs,” dagdag pa ni Nepomuceno.
Ayon kay District Collector Alexandra Y. Lumontad, sa pamamagitan ng mahigpit na pagpapatupad at close inter-agency collaboration, tinitiyak ng BOC-NAIA na tuloy-tuloy sila sa kanilang mandato bilang frontline defense ng pamahalaan laban sa smuggling at illicit drug activities sa pangunahing “air gateway.”
(JESSE RUIZ)
168 
