OPISYAL nang inihayag ng Department of National Defense ang pagkakatalaga kay Philippine Army commanding general, Lt. Gen. Antonio Nafarrete bilang ika-61 Chief of Staff ng Armed Forces of the Philippines, kahalili ng magreretirong si Gen. Romeo S. Brawner.
Hinirang ni Pangulong Ferdinand Marcos Jr. si Army Lt. Gen. Antonio Nafarrete bilang bagong AFP chief of Staff kapalit ni Gen. Brawner na umabot na sa kanyang mandatory retirement.
“The Department of National Defense, upon the authority of President Ferdinand R. Marcos Jr., is pleased to announce the appointment of Lieutenant General Antonio G. Nafarrete as the incoming Chief of Staff of the Armed Forces of the Philippines, following the retirement of General Romeo S. Brawner Jr. today,” ayon sa inilabas na pahayag ng DND.
Pinangunahan ni Pangulong Ferdinand R. Marcos Jr. ang change of command at retirement ceremony ni General Romeo S. Brawner Jr. kahapon sa Camp Aguinaldo sa Quezon City.
Si Brawner, ang ika-60 Chief of Staff ng Armed Forces of the Philippines (AFP), ay pormal na nanungkulan noong Hulyo 21, 2023, matapos humalili kay General Andres Centino at kauna-unahang pinuno ng Hukbong Sandatahan na nakakumpleto ng 3 years fixed term sa ilalim ng Republic Act No. 11939.
Sa ginanap na change of command, pormal na inihayag ni Pangulong Marcos ang panunungkulan ni Lieutenant General Nafarrete, miyembro ng Philippine Military Academy (PMA) “Bigkis-Lahi” class of 1990, bilang bagong chief of staff ng AFP.
Samantala, itinalaga rin si Lieutenant General Donald M. Gumiran, kasapi ng PMA Class of 1992, na kasalukuyang commander ng Western Mindanao Command (WestMinCom), bilang bagong Commanding General ng Philippine Army (PA) kapalit sa binakanteng puwesto ni Nafarrete.
Si Lt. General Gumiran ay siya ring pumalit sa mga binakanteng pwesto ni Gen. Nafarrete bilang pinuno ng 6TH Infantry Division at AFP Western Mindanao Command.
“The DND congratulates Lieutenant General Nafarrete and Lieutenant General Gumiran on their appointments and looks forward to their leadership in upholding professionalism, excellence, and dedicated service to the Filipino people,” ayon sa inilabas na pahayag ni Asec. Arsenio R. Andolong, spokesperson, Department of National Defense.
(JESSE RUIZ)
146 
