PANGASINAN – Sugatan ang isang lalaki nang palakulin ng sariling anak matapos patayin ng biktima ang ilaw sa kanilang bahay sa bayan ng San Jacinto sa lalawigang ito.

Ayon sa imbestigasyon ng pulisya, biglang pinatay ng biktima ang ilaw na naging dahilan upang magalit ang kanyang anak.

Sa tindi ng galit ng suspek, pinalakol niya ang kanyang ama.

Giit ng ama, aksidente lamang niyang napatay ang ilaw.

Agad namang tumakas ang suspek matapos ang insidente habang malubha ang kalagayan ng biktima sa pagamutan.

Ayon sa pulisya, matagal nang may alitan ang mag-ama.

Umapela naman ang mga kaanak na sumuko na ang suspek. (KIKO CUETO)