DISMAYADO sa opening day draw, bumawi ang Far Eastern University kahapon sa pagpapatuloy ng UAAP Season 82 Men’s Football Tournament sa Rizal Memorial Football Stadium.
Sumipa si John Renz Saldivar ng two goals para tulungan ang Tamaraws sa 5-0 panalo kontra University of the East.
Tinapik ni Saldivar ang bola sa net matapos tanggapin mula kay Dominque Canonigo sa 49th minute at sinundan ng isa pang goal sa 55th nang malusutan niya ang Red Warriors’ offside trap at si UE goalkeeper Frank Rieza.
“Actually, Saldivar can score more but the good thing is that he is not greedy and still focuses on our team’s system. Still, I hope he can score more (goals),” papuri ni FEU coach Park Bo Bae kay Saldivar.
Dahil sa resulta, ang FEU ay umangat sa standings ng elimination round na may four points, habang ang Warriors ni coach Fitch Arboleda ay nananatiling may tatlong puntos.
“Actually, our first game against La Salle was very frustrating. We fixed our problems and our players followed well,” dagdag ni Park. “The key is how fast we wake up and memorize our system.” (VT ROMANO)
142
