HINDI gagawa ng batas ang Kongreso para alisin ang occupational licensing ng mga professional at highly skilled workers sa bansa dahil malaki ang naitutulong nito, hindi lamang sa mga manggagawa kundi sa bansa mismo.
“We do not see Congress walking back and reversing all the gains that the government has achieved in regulating and licensing various occupations,” pagtiyak ni Anakalusugan party-list Rep. Mike Defensor.
Ginawa ng mambabatas ang pahayag matapos imungkahi ni Department of Labor and Employment (DOLE) Secretary Silvestre Bello III na alisin na ang mga licensure examination dahil maraming pagsusulit naman ang pinagdaanan ng mga estudyante bago sila nakatapos sa kanilang kurso.
Gayunpaman, sinabi ni Defensor na hindi ito maaaring gawin dahil napakalaking tulong sa mga manggagawa ng occupational licensing sa pagkuha ng magandang trabaho.
“Occupational licensing is vastly beneficial to our labor force. It has facilitated the gainful employment of millions of Filipinos – from nurses to sailors – overseas as well as locally,” ani Defensor. (BERNARD TAGUINOD)
176 
