HANDA ang pamahalaan sakali’t isailalim sa Alert Level 4 ang Kalakhang Maynila dahil sa patuloy na pagtaas ng kaso ng COVID-19.
Ito ang naging tugon ni acting presidential spokesperson at Cabinet Secretary Karlo Nograles nang tanungin kung kaya at handa ang gobyerno sakali’t ilagay sa Alert Level 4 protocol ang Kalakhang Maynila, itinuturing na epicenter ng COVID-19 pandemic.
Nakapagtala ang Metro Manila ng 100,087 bagong COVID-19 cases sa nakalipas na dalawang linggo base sa data mula sa Department of Health.
“Yes, we can afford it. We’ve been preparing our hospitals. Which is why there’s a call to increase their capacities and of our TTMFs (Temporary Treatment and Monitoring Facilities),” ayon kay Nograles.
“We’re doing real-time updates on our health workers [and their] augmentation,” dagdag na pahayag nito.
Nauna rito, sinabi ni Nograles na wala pang pangangailangan para isailalim ang Metro Manila sa Alert Level 4 mula sa Alert Level 3 dahil ang healthcare utilization sa rehiyon ay hindi pa umaabot sa moderate risk level na 71%.
Nananatili aniya ang ganitong posisyon ng pamahalaan kahit pa nakapagtala ang bansa ng 33,169 bagong COVID-19 cases noong Enero 10, pinakamataas na bilang simula ng pandemya na nagsimula noong Marso 2020.
“We still haven’t reached the threshold,” dagdag na pahayag ni Nograles. (CHRISTIAN DALE)
201 
