Mga miyembro balik-loob sa gobyerno – Gen. Estomo PWERSA NG NPA, PALIIT NANG PALIIT

0

MABABAKAS ang unti-unting paghina ng pwersa ng New People’s Army sa sunod-sunod na pagsuko ng mga miyembro nito sa iba’t ibang probinsya ng Bicol Region partikular na sa Masbate, ayon kay PNP-PRO5 Regional Director P/BGen. Jonnel C. Estomo.

Ito ay matapos na sumuko ang isang ama na nagnanais magbagong buhay at maging ehemplo sa kanyang mga anak sa Brgy. San Antonio, Milagros, Masbate.

Itinago ito sa pangalan “Tatay Caloy”, 63-anyos at isang magsasaka.

Bakas sa mukha ng dating rebelde ang kasabikan na tahakin ang tuwid na landas at gayundin ang pagsisisi sa pagiging bihag sa mali at walang
katuturang ipinaglalaban ng rebeldeng samahan.

Ang sumukong rebelde ay kasapi ng Larangan 1, Komite ng Probinsya 4, Comprob Masbate.

Isang panawagan ang iniwan ni “Tatay Caloy” sa kanyang mga anak na itinago sa pangalang “Pulay” at “Jimar” pati na rin sa kanyang biyenan na si alyas “Kris” na sumuko na rin at tanggapin ang alok na pagbabagong buhay Samantala, nakatakdang bigyan ng tulong sa ilalim ng Enhanced Comprehensive Local Integrated Program (ECLIP) ang isa pang dating rebelde na kinilalang si alyas “Ka Jonard” na sumuko sa Tara, Sipocot, Camarines Sur nang makumbinse ng mga operatiba ng Camarines Sur Police Provincial Office at Philippine Army.

Si Jonard ay commanding officer ng Militia ng Bayan at sangkot sa mga opensibang operasyong inilunsad ng rebeldeng samahan laban sa gobyerno at inosenteng mamamayan.

“Ang pagsuko ng mga rebelde ay resulta nang walang humpay na negosasyon upang bigyan ng linaw at kasagutan ang kasinungalingan ng NPA,” pahayag pa ni P/BGen. Estomo.

Read More

6 MPD COPS INARESTO SA EXTORTION

0

NAHAHARAP sa kasong robbery extortion ang anim na miyembro ng Manila Police District makaraang sampahan ng reklamo ng isang SK chairman sa Tondo, Manila, iniulat ng pulisya.

Dahil dito, agad iniutos ni P/Major General Vicente Danao Jr. ang malalimang imbestigasyon at kung positibo sa reklamo, inirekomenda nito na bukod sa kasong kriminal ay sampahan din ng kasong administratibo ang mga suspek na sina P/SSgt. Jeffrey Mejia, P/Cpl. Jigie Azores, P/Cpl. Kevin John Villanueva, P/Cpl. Johndee Toledo, Pat. Danny Rangaig, at Pat. Kenneth Cordova.

Batay sa ulat ni P/Lt. Col. Magno Gallora Jr., commander ng Manila Police Station 2, ang mga suspek ay inireklamo ni Jericho Laniog, 24-anyos, binata, SK chairman, residente ng Doroteo Jose St., Barangay 313, Sta. Cruz, Manila.

Ayon sa imbestigasyon ng pulisya, bandang ala-1:00 ng madaling araw noong Oktubre 14, habang nakikipaghuntahan ang biktima sa kanyang mga kaibigan nang sitahin ito ng nasabing mga pulis sa Luzon St., Brgy. 314 sa Sta. Cruz dahil sa paglabag sa curfew ordinance.

Bukod umano sa curfew, nakitaan din ang SK chairman ng pipa na gamit sa paghitit ng ilegal na droga.

Bunsod nito, inaresto ng mga pulis ang biktima ngunit bago dinala sa Padre Algue Police Community Precinct na sakop ng Station 2 ng MPD, ay isinailalim ito sa medical check-up sa Gat. Andres Bonifacio Memorial Medical Center.

Nang dalhin sa PCP ang biktima ay humingi umano ang mga pulis ng P47,000 kapalit ng kanyang kalayaan. Pinayagan ng mga pulis ang biktima na makalaya ngunit ipinaiwan ang kanyang motorsiklo at gintong kwintas.

Ngunit sinampahan ng biktima ng robbery extortion ang mga pulis na agad na dinisarmahan at inaresto. (RENE CRISOSTOMO)

Read More

WATER DELIVERY BOY HINOSTAGE NG PWD

0

HINOSTAGE ng 46-anyos na lalaking pinaniniwalaang may problema sa pag-iisip ang isang  delivery boy  kamakalawa ng hapon sa Quezon City.

Gamit ang dalawang kutsilyo, hinostage ng 46-anyos na suspek na kinilalang si Universe Santos ang 21-anyos na water delivery boy na si Gabriel Espinosa sa Alpha Village, Capitol Hills sa Barangay Old Balara.

Bahagya namang nagtamo ng mabababaw na sugat ang biktimang bihag ng suspek sa loob ng mahigit isang oras.

Paniwala ni Lt. Arnold Bantanos na tumayong lider ng mga rumespondeng pulis, mental disorder ang nagtulak sa suspek na bihagin si Espinosa na noo’y nagdedeliver lamang ng tubig sa tahanan ng pamilya ni Santos.

Pansamantalang inilagak sa himpilan ng pulisya si Santos habang inihahanda ang pagdadala sa suspek sa pagamutan para suriin ang kanyang kalagayan.

Kumbinsido naman ang pulisyang walang masamang motibo ang suspek sa kanyang ginawang panghohostage dahil sa mayroon umano itong kapansanan sa pag-iisip. (LILY REYES)

Read More

P9-M SMUGGLED AGRI PRODUCTS NASABAT

0

NASABAT ng Bureau of Customs (BOC) sa Valenzuela City ang P9 milyong halaga ng produktong agrikultural na ilegal na ipinasok sa bansa.

Sinabi ni Customs Deputy Commissioner Raniel Ramiro, isang joint team mula sa Manila International Container Port-Customs Intelligence and Investigation Service (MICP-CIIS) at Philippine Coast Guard (PCG) Task Force Aduana ang nanguna sa operasyon sa isang bodegang pag-aari ng Morehouse Marketing sa Barangay Ugong noong Oktubre 8.

Nadiskubre ng pangkat ang 8,000 sako ng sari-saring produktong agrikultural na kinabibilangan ng pulang sibuyas, luya, at munggo nang inspeksyunin ang bodega matapos ipresenta ang Letter of Authority (LOA) na nilagdaan ni Customs Commissioner Rey Leonardo Guerrero.

“This is not a one- or two-time thing. This is a continuous effort from the bureau and the MICP-CIIS. The goal is not to allow even one sack of agricultural products to enter the country illegally because we cannot saturate the market with these smuggled products. It will have such a huge impact on the economy, on our farmers,” ani Ramiro.

Susuriin ng BOC ang kinumpiskang mga produkto para sa imbentaryo bago ang pag-iisyu ng Warrants of Seizure and Detention (WSD) alinsunod sa Section 1113 ng Customs Modernization and Tariff Act at mga kasalukuyang regulasyon ng Bureau of Plant Industry. (ALAIN AJERO)

Read More

KANONG PEDOPHILE TIMBOG SA BI

0

ARESTADO sa mga operatiba mula sa Bureau of Immigration (BI) Fugitive Search Unit (FSU) ang isang 48-anyos na Amerikano na wanted sa New York dahil sa  sex-related crime sa menor de edad.

Ayon sa report ni BI FSU Chief Rendel Sy, si Francisco Loreno ay inaresto noong Huwebes ng umaga sa isang hotel sa Ortigas, Mandaluyong City, sa bisa ng mission order na inisyu ni BI Commissioner Jaime Morente.

Inihayag ng BI, ang order ay inilabas matapos makatanggap ng impormasyon kaugnay sa nasabing kaso ni Loreno.

“He is an undesirable alien and poses a risk to public safety, as he is a wanted criminal in the US,” ani Morente.

Isang warrant of arrest ang inisyu laban kay Loreno ng US District Court ng Western District sa New York noong Marso 2019 dahil sa paglabag sa New Jersey Code of Criminal Justice, kaugnay sa umano’y pagmolestiya sa isang 13-anyos na dalagita.

“Fugitives, especially those wanted for crimes against minors, are not welcome in our country,” ayon pa kay Morente.

“We will make sure that these kinds of aliens are deported and banned from setting foot in the Philippines,” dagdag pa niya.

Si Loreno ay pansamantalang nakakulong sa BI’s warden facility sa Taguig City habang nakabinbin ang kanyang deportasyon. (JOEL O. AMONGO)

Read More

LAND TAX HIKE SA QC IBABASURA NI DEFENSOR

0

DAHIL dagdag na pasanin sa mga residente sa Quezon City, tuluyang ibabasura ni Anakalusugan Party-list Rep. Mike Defensor ang dagdag na land o real estate tax kapag siya ang nanalong mayor ng lungsod sa susunod na eleksyon.

“Our people are already struggling from the COVID-19 pandemic, with many workers finding it hard to support their families’ daily needs. We should not add to their financial burden,” ani Defensor.

Sa ngayon ay ipinagpaliban lamang ni Mayor Joy Belmonte ang implementasyon ng dagdag na buwis sa mga lupain sa lungsod hanggang Disyembre 2022 sa ilalim ng City Ordinance.

“They should discard that imposition permanently. If they do not do it, I and my vice-mayor partner Winnie Castelo will do it,” ani Defensor.

Hindi umano dapat na idagdag pa ng city government ang buwis na pinapasan ng mga residente sa Quezon City sa mga susunod na mga taon dahil tiyak na matagal bago makabangon ang mga tao sa krisis na pinagdadaanan nila ngayon dahil sa pandemya sa COVID-19.

Bukod dito, napakarami nang binabayarang karagdagang buwis ang mga residente sa Quezon City dahil dinagdagan ng QC government ang buwis sa kanilang home, apartment, building at iba pang land improvement.

“We can afford to forego the additional levy on land as a way of giving back to our taxpayers. The city has enough revenues for its projects, programs and its workforce,” ani Defensor.

Hindi lamang aniya ang mga may kaya sa buhay ang makikinabang kapag tuluyang ibasura ang dagdag na real estate tax sa lungsod kundi maging ang mga mahihirap, kasama na ang mga negosyante, nangungupahan at iba pa.

Unang ipinatupad ang dagdag na buwis sa mga lupa sa Quezon City sa pamamagitan ng City Ordinance No. 2556 noong 2016 subalit kinuwestiyon ito ng Alliance of Quezon City Homeowners Associations, Inc. sa Korte Suprema.

Naglabas ang Korte Suprema ng Temporary Restraining Order (TRO) kaya itinigil ang pagkolekta ng karagdagang real estate tax ngunit noong Setyembre 17, 2018 ay binawi ang TRO at sinuspinde ito ng City Council hanggang Disyembre 2022. (BERNARD TAGUINOD)

Read More

P3.00 DAGDAG PASAHE TABLADO SA COMMUTERS

0

HAYAGANG tinutulan ng isang grupong kumakatawan sa mga pasaherong Pilipino ang isinusulong ng mga tsuper na P3.00 dagdag pasahe sa minimum fare.

Sa isang pahayag, nilinaw ng grupong Lawyers for Commuters Safety and Protection (LCSP) na hindi sila kontra sa petisyon para sa dagdag pamasahe lalo pa’t lingguhan na ang naitatalang dagdag presyo sa mga produktong petrolyo.

Gayunpaman, dapat umanong bigyang proteksyon at unawain ang kinasasadlakan ng mga pasahero.

Matatandaang naghain ng petisyon ang ilang driver at operator sa tanggapan ng Land Transportation Franchising and Regulatory Board (LTFRB) para taasan ang pamasahe dahil sa sunud-sunod na pagtaas ng produktong petrolyo.

Ayon kay Atty Ariel Inton na tumatayong pangulo ng LCSP, piso lamang ang naangkop sa dagdag pasahe sa mga pampublikong sasakyan, kasabay ng giit na marapat tulungan pa rin ng gobyerno

sa ibang paraan ang mga nagdurusang tsuper at operators na hindi halos aniya makaagapay dahil sa pinaiiral na limited capacity ng mga pampasaherong sasakyan tulad ng mga dyip at bus.

Nauna ng  inihayag ng LTFRB na posibleng umabot sa P1.26 ang maging minimum fare hike para sa mga pampublikong sasakyan base sa kanilang kwenta.

Ayon kay LTFRB executive director Joel Bolano, maaaring matugunan ang problema sa pamamagitan ng akreditasyon ng mga karagdagang gas stations kung saan ang mga PUV drivers ay maaaring makinabang sa kanilang subsidiya sa gasolina. (LILY REYES)

Read More

PASSENGERS MULA SA ‘GREEN LANES’ NILUWAGAN PA

0

BINAGO ng Inter-Agency Task Force ang mga panuntunan para sa Green Lanes para sa international arriving passengers epektibo Oktubre 14, 2021.

Sinabi ni Presidential spokesperson Harry Roque na para sa mga fully vaccinated foreign national, ang negative RT-PCR test ay required na isagawa sa loob ng 72 hours bago ang kanilang departure mula sa bansang kanilang panggagalingan.

“Upon arrival, no facility-based quarantine will be required but the passenger is enjoined to self-monitor for any symptoms until the 14th day. On the other hand, for fully vaccinated Filipinos,

they can choose facility-based quarantine until the release of a negative RT-PCR test taken in the quarantine facility upon arrival, or no facility-based quarantine after getting a negative RT-PCR test within 72 hours prior to departure from the country of origin but the the passenger is enjoined to self-monitor for any symptoms until the 14th day,” ayon kay Sec. Roque.

Para naman sa mga unvaccinated, partially vaccinated, o indibidwal na ang vaccination status ay “cannot be independently verified,” at iyong mg bakunado subalit nabigong mag-comply sa test-

before-travel requirements, kailangan sumailalim ang mga ito sa facility-based quarantine hanggang maipalabas ang negative RT-PCR test na isasagawa sa pang-5 araw.
Sa kaso naman ng foreign nationals, required ang mga ito na kumuha ng hotel reservations “for at least 6 days.” (CHRISTIAN DALE)

Read More

PCA, MULING NASERMUNAN

0

SINABON ni Senador Cynthia Villar ang mga opisyal ng Philippine Coconut Authority (PCA) dahil sa nakalilitong panukalang budget.

Sinabi ni Villar na dapat ayusin ng PCA ang kanilang proposed budget para sa 2022 at tiyaking walang duplication ng mga proyekto.

Sa pagdinig ng Senado sa budget ng PCA, ipinaalala ni Villar sa mga opisyal ng PCA na ang P613 million mula sa kanilang proposed budget na P1.097 billion ay dapat na tumugon at hindi maging duplikasyon ng mga proyekto sa ilalim ng coco levy funds.

Ang coco levy funds ay mula sa mga buwis sa coconut products mula pa noong panahon ni dating Pangulong Ferdinand Marcos na tinatayang nasa P100 billion hanggang P150 billion.
“PCA should complement the law from its regular program of planting and replanting…’Yun ang sinasabi ko, dapat tinignan niyo kung ano ‘yong nasa coco levy fund at ‘yong kulang do’n, ‘yon ang paggagamitan ng pera,” saad ni Villar.

“‘Yon ‘yong sinasabi ko, kung hindi nasama ‘yon sa coco levy (funds), ‘yon ang ilagay niyo ang budget niyo hindi ‘yong duplication sa coco levy. Tapos ‘yong sinasabi mo na hindi kayo binigyan ng budget sa project management ng coco levy, ‘yon, ilagay mo dyan,” diin pa nito.

Inatasan din ni Villar ang PCA na ipakita ang pagkakaiba ng mga programa nila sa Department of Trade and Industry.

“Pakita niyo sa akin, anong difference ng gagawin ng DTI at gagawin niyo, kasi overlapping ‘yan, so i-explain niyo sa akin ‘yan.  Tapos itong mga farm, i-explain niyo sa akin kung saan niyo ilulugar ‘yan, gusto ko makita saan ang lugar n’yan,” diin pa nito.

Pinuna rin ni Villar ang hindi pag-maximize ng PCA sa potensyal ng coconut products partikular ang pagproseso ng coconut husks sa iba pang produkto.

“Hindi lang naman ‘yon ang gagawin nila sa processing, alam mo no’ng pumunta ako sa abroad, ang pinaka-sikat na product do’n is coco water and coco sugar, nagpunta ako sa Germany, do’n sa world trade fair […] mabiling-mabili do’n ang coco water and coco sugar.  And nothing came from the Philippines,” paliwanag ng senador.

“Parang naawa ako sa sarili ko na tayo eh one of the biggest coconut producing country in the world, wala tayong coco water and coco sugar eh ‘yon ang click na click sa mundo eh.  Hindi naman ‘yang — waste coconut husk ‘yan eh,” dagdag nito. (DANG SAMSON-GARCIA)

Read More