Dito ni Dennis Uy P8.4-B na ang lugi magmula noong 2020

0

UMABOT na sa P8.4 billion ang lugi ng Dito, ang third telco player ng bansa na kontrolado ni Davao-based business tycoon Dennis Uy, magmula noong 2020.

Ito ay ayon sa pro forma statement ng Dito na inihanda ng P&A Grant Thornton.

Nakasaad sa statement na ang telco firm ay may net loss na P4.656 billion noong 2020 at P3.769 billion sa unang anim na buwan ng 2021, para sa kabuuang P8.4 billion.

Ang Dito ay nagsimulang mag-operate noong nakaraang Marso at kumita ng P248 million sa unang anim na buwan ng 2021. Gayunman, gumastos na ang kompanya ng P4.14 billion.

Bilang bahagi ng layunin nitong maabot ang limang milyong subscribers at service sites sa buong bansa sa pagtatapos ng 2021, ang kompanya ay naglabas ng P52 billion para sa capital investments. Kinabibilangan ito ng P35.468 billion noong 2020 at P16.234 billion sa unang anim na buwan ng 2021.

Hanggang noong Hunyo 2021, ang Dito ay nakapagkaloob na ng mobile 4G services sa 149 lungsod at bayan na may 1.64 million subscribers.

Ang pro forma statement sa prospectus ng DITO ay isinagawa upang ilarawan ang epekto ng pagbuhos ng assets ng kompanya sa DITO CME sa financial position ng grupo hanggang Hunyo 30, 2021.

Gayunman, sinabi ng P&A na ang pro forma report ay “not necessarily indicative of the results of its operations.”

Ang Udenna Communications, Media and Entertainment Holdings Corp. (UCME) ni Uy, na kumokontrol sa Dito Telecommunity, ay magte-take over sa 80 percent ng kompanya sa pamamagitan ng P68.43 billion share swap na inaprubahan ng Securities and Exchange Commission (SEC) nito lamang Setyembre.

Ang DITO ay magkakaroon ng 54 percent stake sa Dito Telecommunity kung saan ang nalalabing stake ay pag-aari ng China Telecom (40 percent) at ng Chelsea Logistics and Infrastructure Holdings ni Uy (6 percent).

Ang Dito Telecommunity ay nagbayad ng P27.5 billion bond nang manalo ito sa bidding para sa third telco franchise noong 2018 makaraang
i-diskuwalipika ng National Telecommunications Commission ang lahat ng kalaban nito.

Read More

SMART-PLDT inulan ng reklamo mula sa netizens

0

NAGING trending topic sa social media ang Telecommunications company SMART-PLDT makaraang ulanin ito ng mga reklamo mula sa netizens dahil sa malawakang fiber outage noong Lunes ng gabi.

Ang mga apektadong lugar ay ang San Luis, Aurora; Batangas City; Calamba, Laguna: Taytay, Rizal: Manila; Mandaluyong; Gamay, Northern Samar; Talisay City, Cebu; Iloilo City; Cebu City; Pilar, Bohol; Cagayan De Oro; Misamis Occidental; Isabela, Basilan; Davao City; at Isabela, Basilan.

Binatikos ng mga galit na netizens ang SMART- PLDT dahil sa outage na nangyari nang wala umanong abiso at nakasira sa kanilang pang-araw-araw na gawain.

“PLDT brags about claims of fastest speeds in the country, and network superiority— these are cheap if it can’t put its money where its mouth is,” sabi ng isang subscriber.

Ang mga sumusunod ay ilan lamang sa mga reklamo ng mga subscriber.

“I have my studies and my work. I cant make it on time because of the slow internet connection. We just payed our bill and this is what we get? Apurado kaymo ug maningil pero inig mabayran murag soso sa kahinay inyong connection.”

“Do we need more than we pay? NOPE. Just let us have right internet connection as we pay. This is too far from what I pay for every month!”

“Update naman dyan realtime kung mag eExpect kaming down para hindi kami mabuang sa workhome. Wala na kaming sweldo! Nov 9 2021.”

“HOOOOYYY NAKA BREAK AKO. PAGBALIK KO, NAKA DISCONNECT NA AKO SA VPN!!! I STILL HAVE WORK TO DO!”

“HUYYYYY ANOOOO NAAAA
DI USO ANG MAG UPDATE HA?”

“PLDT whats wrong? may raffle promo pa to get a free one year 1gbps internet speed eh ngayon halos hindi maka-akyat sa 3mbps ang DL speed nyo. 25mbps ang binabayaran ko. ano ba?”

“ANO NA PLDT, GALAW GALAW MGA YAWA!
SInce SAturday pa PLDT internet connection issues. Until today Monday Nov 8, 2021 8:06 PM.. Please let us know when it will be resolved. May trabaho ako. Internet based. !!”

“back from 6 hours ago, people are complaining bout download speed being slow despite the fact speedtest has low ping given, i too is experiencing the issue, is there a maintenance? if so , why not post it in the Fb page?, PLDT complaints has now rose, but that aside , i hope you bring back the strong connection given before, we are really hoping for online classes continuing , learning and fun etc.”

“MALAKAS KAYO SA SPEEDTEST PERO SA ACTUAL SURFING PLS MAHIYA NAMAN.”

Samantala, hindi kinagat ng mga market investor ang pahayag ng bilyonaryong si Manny V. Pangilinan na ang PLDT (TEL) was “undervalued” kumpara sa mga kalaban nitong Globe Telecom (GLO) at Converge Information and Communications Technology Solutions (CNVRG).

Makaraang ihayag ni Pangilinan sa media at market analysts ang murang presyo ng TEL noong November 4 at 5, ayon sa pagkakasunod, iniangat ng mga investor ang CNVRG (up six percent ) at GLO (up three percent) habang bumaba ang TEL (down .61 percent) noong November 8.

Pagdating sa market cap, ang CNVRG ay nagdagdag ng P28 billion sa P265 billion at ang GLO ng P20 billion sa P441 kasunod ng pahayag ni Pangilinan. Nanatili naman ang TEL sa P354 billion.

Read More

ROMERO: NCR ECONOMY DAPAT NG BUKSAN

0

Tinutulak ngayon ni House Deputy Speaker at 1Pacman Party-list Rep. Mikee Romero ang todong pagbubukas ng mga negosyo sa National Capital Region (NCR).

Hinimok nito ang Inter-Agency Task Force for the Management of Emerging Infectious Diseases (IATF) na payagan ng buksan ang mga negosyo at establisimento sa Metro Manila sa mga fully vaccinated na mamamayan.

“Ngayong higit ng 80% na ang mga bakunado na indibidwal sa NCR, we need now to open our domestic economy to its full scale,” pahayag ni Romero na kilala sa pagiging matagumpay sa larangan ng negosyo

Sinabi din nito na maaring ihalintulad o gawin modelo ng IATF and Estados Unido (US).

“Back-to-normal life is now possible. Ganito ang ginagawa ng US ngayon at malaki ang magiging tulong nito sa ekonomiya ng bansa,” paliwanag nito.

Ayon sa IATF, sa talaan noong Oktubre 28, nasa 9,374,416 milyon na indibwal o 95.89% na ng populasyon sa NCR ang nakatanggap ng first dose ng COVID-19 vaccine at 8,498,986 o 86.9% naman ang bakunado na.

“Ang vaccination cards ang magiging tila passport ng mga fully vaccinated na tao para makapasok sa mga establisimento. At tulad sa US, ipatupad din ang ‘No vaccination card, no entry’,” pagtatapos ni Romero.

Read More

PINAS AYAW PASUKIN NG INVESTORS DAHIL SA NAPAKAMAHAL NA KORYENTE — SOLON

0

MULING binatikos ni Bayan Muna Rep. Carlos Zarate ang panibagong power rate hike ngayong Oktubre, at sinabing ayaw pumasok ng mga investor sa bansa dahil sa napakamahal na koryente.

“Talaga namang napakamahal ng koryente dito more than dun sa sinasabi nilang rason na mataas ang labor cost dito. I don’t think that is the real reason, ‘yung reason talaga kaya ayaw pumunta ng mga investors dito ay ang napakamahal na koryente,” pahayag ni Zarate sa isang panayam.

“For as long as hindi talaga maipababa ‘yan, ‘yan talaga ang magpu-pull down sa pag-bounce back ng ating economy. However, you will entice investors to come in ‘yung nga inaasahan mong mga investors at maghahanap sila kung saan mas favorable sa kanilang atmosphere… ‘yan ang sinasabi lagi ng mga investors kaya hindi ganoon ka-competitive ang Pilipinas,” dagdag pa niya.

Umapela rin ang kongresista sa Meralco na maging responsableng korporasyon at isaalang-alang ang kalagayan ng mga consumer sa gitna ng kinakaharap na pandemya.

Aniya, maaari namang i-delay o i-absorb ng Meralco ang tinatawag na ‘pass on charges’ dahil hindi nila ito ikalulugi.

“Itong mga pag-increase ngayon na sinasabi ng Meralco na, for example na pass on charges, puwede i-absorb ito ng Meralco, hindi naman ito magreresulta sa pagkalugi ng Meralco… In fact, almost monopoly na ang kanyang franchise area, even despite pandemic, nabalitaan ba natin na nalugi ang Meralco, siguro medyo nabawasan ang profit pero profitable pa rin siya but compared to ordinary Filipinos, for example, napakalaki ng nawala sa kanila during pandemic, so ang ating panawagan paulit-ulit sa Meralco na puwede nilang i-delay o i-absorb na ‘yan,” pagbibigay-diin ni Zarate.

“Ang counter argument naman natin diyan napakaraming generation companies na pinagkukunan ng Meralco ng kanyang supply at mga sister companies if not 100 percent owned at least partially owned ng Meralco. So, ito rin ‘yung nagpapasa ng napakalalaking generation cost na eventually pinapasan ng ating mga consumer at napalaking challenge din ito sa Department of Energy dahil ang DOE and even the regulatory commission itong ganitong pagtaas ng bayarin sa koryente parang nangyayari na nga ito eh, sinasamantala pa sa pandemya,” dagdag pa niya.

Nauna nang inanunsiyo ng Meralco ang P0.0283 per kilowatt-hour na dagdag-singil sa koryente ngayong buwan dahil sa mas mataas na transmission charge.

Katumbas ito ng taas-singil na P5.66 para sa mga kumokonsumo ng 200 kWh, P8.49 sa mga gumagamit ng 300 kWh, at P14.15 sa mga kumokonsumo ng 500 kWh.

Ito na ang ika-7 sunod na buwan na magpapatupad ang Meralco ng power rate hike.

Read More

Subscribers na lumipat sa Dito napakakaunti

0

TALIWAS sa inaasahan ay napakaliit na bilang lamang ng mga subscriber ang nagpalit ng network sa ilalim ng tinatawag na MNP o mobile number portability.

Marami ang nag-akala na malaking bilang ng mga subscriber ng Philippine Long Distance Telephone Co.-Smart Communications at Globe Telecom ang lilipat sa Dito Telecommunity Corp., ang third telco player sa bansa, sa gitna ng kaliwa’t kanang promo na iniaalok ng kompanya na mas mura at mas mabilis na internet.

Ngunit ang Telecommunications Connectivity Inc. (TCI), ang joint venture company ng telcos na naatasang mangasiwa sa MNP kung saan ang isang subscriber mula sa isang telco ay maaaring lumipat sa iba na dala ang parehong mobile number, ay nakapagtala lamang ng 800 take ups.

Ang nasabing bilang ay lubhang mababa kumpara sa pagtaya ni TCI head Melanie Manuel na may 1 million subscribers ang inaasahang magpapalit ng network nang ilunsad niya ang MNP na isinabatas at sinimulang ipatupad noong Setyembre 30, 2021.

Ginawa ni Manuel, graduate ng Industrial Engineering mula sa University of Santo Tomas at dating konektado sa Philippine Long Distance Telephone Co., ang pagtaya sa MNP take ups noong nakaraang Hulyo.

Sa isang television interview, sinabi ni Manuel na 800 lamang ang lumipat sa Dito mula sa subscriber base na may kabuuang 100 million.

Ang mobile switching ay inaasahang magpapataas sa bilang ng subscribers ng Dito.

Target ng third telco player na maakit ang Globe at Smart subscribers at makuha ang kahit 30% ng total market share sa mga unang taon ng operasyon nito. Katumbas ito ng 20-25 million customers.

Hanggang October 19, 2021, ang price share ng Dito ay P7.09 kumpara sa P3,108 ng Globe at sa P1,620 ng PLDT.

Ang TCI, ayon sa by laws nito, ang industry body na reresolba sa mga reklamo na may kinalaman sa mobile switching.

Bumuo rin ito ng transfer protocol kung saan maisasagawa ang pagpapalit sa loob ng apat na oras at ang isang mobile switcher ay maaaring muling lumipat sa ibang telco makalipas ang 60 araw.

Walang limit sa pagpapalit ng subscriber sa pagitan ng mga telco — Philippine Long Distance Telephone Co.-Smart Communications, Globe Telecom at Dito Telecommunity.

Read More

Pagbayad ng Smart-PLDT ng daang milyong piso sa foreign endorsers hinagupit ng kongresista

0

BINATIKOS ng isang partylist congressman ang top executives ng Smart-PLDT dahil sa pagkuha ng mga dayuhan bilang product endorsers na nagpababa sa mga Filipino artist.

Sinabi ng mambabatas, na dismayado sa pagiging bias umano nina telco’s chair Manny Pangilinan at president Al Panlilio laban sa local talents na, “paying hundreds of million-pesos to foreign artists for the telco’s product promotions amid this pandemic that wrought havoc in our economy is immensely insensitive and unsympathetic to say the least.”

Reaksiyon ito ni Rep. Ronnie Ong, ng Probinsiyano Ako Partylist, sa mga report na ang isa sa pinakamalaking telecommunications firms sa bansa ay kinuha ang sikat na South Korean entertainment personalities bilang endorsers, kabilang ang kinagigiliwang BTS group na binayaran ng U.S. $10 million para sa isang commercial noong nakaraang taon.

Ayon kay Ong, bagama’t ang pagkuha ng Smart-PLDT ng foreign talents ay sarili nitong karapatan, ang naturang ‘executive decision’ ay ikinadismaya umano ng Filipino nationalists.

“We understand the right of local companies to choose whoever they want endorsing their products but we would like to remind them to choose Filipino first just like when we remind our kababayans to choose Filipino products first,” pagbibigay-diin ni Ong.

Batay sa report, gumastos ang Smart-PLDT ng milyon-milyong dolyar sa pagkuha sa sikat na South Korean at Western entertainment personalities para sa kanilang commercial endorsements.

Kabilang sa mga ito sina Hyun Bin, Son Ye Jin, Park Seo Joon at ang BTS mula sa South Korea.

Ang mga sikat na tulad nina Chris Evans, Charlize Theron at Gwyneth Paltrow ay kinuha rin umanong endorsers.

Napag-alaman na ang professional fees para sa naturang mga celebrity ay mula $1 million hanggang $10 million sa kaso ng BTS.

Noong 2015 ay kinuha umano ng kompanya si noo’y newly-crowned Miss Universe Pia Wurtzbach para sa isang commercial, at binayaran siya ng tinatayang $500,000.

Miyembro ng House Committee on the Creative Industry and Performing Arts, isinusulong din ni Ong ang ‘Filipino first‘ policy upang tulungan ang local industries na makabangon mula sa masamang economic impact ng COVID-19 pandemic.

Noong nakaraang Hunyo ay inaprubahan ng Kamara sa third at final reading ang House Bill 9350 na nagsusulong na i- institutionalize ang “One Town, One Product” Philippines program para maayudahan ang MSMEs sa bansa.

Naghain din sina Reps. Alfred Vargas (6th District, Quezon City) at John Marvin “Yul Servo” C. Nieto (3rd District, Manila) ng mga panukala para tugunan ang kawalan ng suporta ng pamahalaan sa local talents at movie personalities at Filipino producers.

Read More

SARI-SARING REKLAMO VS SMART-PLDT DUMAGSA

0

INULAN ng samu’t saring reklamo sa social media ang telecommunications company na Smart-PLDT.

Sa kanilang posts sa Facebook, idinaing ng mga subscriber ang umano’y palpak na serbisyo ng kompanya, kabilang ang napakabagal na internet na sinu-supply nito, madalas na pagkawala ng signal o connection, madayang promo, at hindi maaasahang customer service.

Ayon sa isang netizen, dahil sa kupad ng internet ng Smart-PLDT ay naaapektuhan na ang online class ng kanyang kapatid.

“Hrap tlaga pag gnyan! Nangyan! Pati nga pagoonline class ng kapatid ko apektado dhil sa madalas nlang sgnal putol putol.”

Ang mga sumusunod ay ilan lamang sa mga reklamo ng mga netizen laban sa Smart-PLDT:

“angas hahah smart wala namang bago dyan mauumay na nga lang eh kase kahit walang ganyan mabagal naman talaga,” sabi naman ng isa pang netizen.”

“Lagi nlang gnyan smart,kung di gnyan,under maintenance nman! HAHAHA pero wala parin nman inimproved! Jusko smart!”

“dahil sa internet connection ng Smart na sobrang bagal at hina, baka mamaya matanggal pa ako sa trabaho Neto dahil hindi ako nakaka-habol sa mga katrabaho ko.”

“awit napapagalitan ako ng boss ko kasi bakit daw nawawala ako sa zoom meeting namin eh nadidisconnect ako dahil mahina ang internet ano na Smart? ayusin niyo na service niyo…”

“mahal na nga yung load services niyo tapos nagloloko pa ang signal niyo paano naman kami makakaipon ng point kung kinakain ang points na naipon namin tapos binablock pa ang data.”

“Totoo yang sinasabi mo jusko ang daming issue ng Smart nakakainis na panay ang kain sa load ko kahit kakapaload ko lang.”

“Nakakaloka talaga tong Smart na to. Mukang wala na talaga sila ayusin ang customer service and internet connection nila. Talaga namang hays! Aysus smart!”

“Napaka bagal talaga ng respond ng smart pag may issues. Kaya nakakasawang magreklamo. Buti pang lumipat na lang sa ibang network.”

“Just wondering kung ako lang ba nakakaranas nito?? Halos no bar ang signal ko palagi sa bahay. Naka 4g nga nakalagay jan pero halos di nagloloading yung mga apps ko. Even calls and texts di na ako halos nakakareceive ng mga otp pag inoopen ko online banking ko? Hays. Pahirap ka smart ha.”

“Ano po mga possible na dahilan bakit na boblock ang sim sa tnt? Block na kasi yung sakin unlifb 150.. salamat sa sasagot.”

“Anong nangyayare sa smart bat ganto ang aga aga naman neto ngayon lang ako magrereklamo kase sobra na po talaga eh nag avail ako nung UNLI na promo niyo pero ganto naman po sinukli saken ambagal po niya mag loading sa youtube at ibang site hays sana naman maayos to grabe perwisyo eh.”

“Grabe no? yung promo ng Smart mala ginto pero yung service nila hindi satisfying nakakadismaya pa nga kase nagbayad ka ng mahal e edi expect mo na mabilis saka maayos ayun pala baliktad pa bulok at mabagal pala.”

“Kahit anong i load Mo sa Smart talagang hindi uubra. ang dami ng nasayang na load ko sa smart laging disconnect sa internet kung di disconnect mabagal naman ano na smart?”

“Sana hindi nalang naglabas ng promo ang Smart kung di naman pala magagamit. Sayang lang ang pera kasi kung hindi gumagana, mahina naman ang service or signal nila.”

“Ano kaya ang sense ng Unli Data kung may Data limit no? nanloloko lang yang Smart and TnT na yan e magpapapromo sila ng Unli pero maboblock ka pag nasa Data limit kana.”

“Wala yan ganyan din saken ng yare nag text saken wala naman sila ginawang paraan eh. Nakaka disappoint yung mga ganyang customer service. Walang kwenta.”

“sana maayos niyo na ang problema Smart.. huwag lang puro promote ng services niyo sana naman marunong rin kayong makinig sa mga concern ng mga customers niyo …”

“Kung hindi nagloloko ang signal napakabagal naman ng connection.”

Read More

SHELL NAGLUNSAD NG VACCINATION PROGRAM

0

INILUNSAD kamakailan ng Pilipinas Shell Petroleum Corp. (PSPC), sa pakikipagpartner sa lungsod ng Mandaluyong at Reliance United, ang vaccination program nito para sa kanilang staff at dependents ng mga ito. Nasa larawan sina (mula sa kaliwa) PSPC’s Serge Bernal, Vice President for Corporate Relations; Dr. Robert Castro, Medical Director of Reliance United; Dr. Marie Ishimura, Chief of Clinics of HealthFirst; Ricky Rivera, President of ActiveOne Health Inc.; Cesar Romero, PSPC President and CEO; David San Pedro, President of Reliance United at Dr. Rose Rivera, Country Health Manager ng Shell companies sa Pilipinas.  Ang Pilipinas Shell ay magsasagawa ng serye ng pagbabakuna para maproteksiyunan ang kanilang staff at mga dependent nito, at upang matulungan ang bansa na makamit ang herd immunity.SHE

Read More

DITO SUBSCRIBERS AGRABYADO SA U.S. BAN SA CHINA TELECOM —- LAWMAKER

0

POSIBLENG maapektuhan ang operasyon ng DITO Telecommunity Corporation, ang third telco player sa bansa, kapag tuluyan nang ipinagbawal ang China Telecom (Americas) Corp. sa Estados Unidos, ayon kay ACT Teachers Party-list Rep. France Castro.

Ang China Telecommunications Corporation, isang Chinese state-owned company at ang parent company ng China Telecom Corporation, Limited, kung saan affiliated ang China Telecom bilang isang subsidiary, ang second-biggest stakeholder ng Dito, na may 39.92-percent stake.

Sa isang panayam sa radyo, sinabi ni Castro na naniniwala siya na ang napipintong pagpapawalang-bisa at pagkansela sa lisensiya na ipinagkaloob sa China Telecom Americas ay magkakaroon ng epekto sa kakayahan ng Dito na magsagawa ng interconnecting activities sa Estados Unidos, partikular ang roaming connections mula sa Filipino subscribers ng DITO na maaaring tumawag o mag-text habang nasa ibang bansa.

“Oo nga. Oo, tama. Magkakaroon din ng epekto ‘yan,” pahayag ni Castro nang tanungin kung tama ang mga eksperto sa kanilang pananaw na ang hakbang ng US ay maaari ring makaapekto sa telecommunications interests ng China Telecom sa Filipinas.

Naniniwala rin ang kongresista, na miyembro ng Makabayan bloc sa Kamara, na maging ang paggamit ng DITO broadband o mobile data network para maka-access sa US-based websites ay maaari ring maapektuhan.

“Oo ‘noh. Eto ‘yung US-based website na konektado doon sa China Telecom, meron ding epekto ito at magkakaroon ng access. Tingin ko kung may ganyan kung iba-ban ‘yan, so baka hindi na,” ani Castro.

Ang China Telecom ay kabilang sa Chinese companies na napipintong i-ban sa Amerika dahil sa banta nito sa pambansang seguridad.

Binigyang-diin ng U.S. Federal Communications Commission na ang China Telecom ay pag-aari ng Chinese government at kontrolado ng Communist Party ng China ang kompanya.

Noong Disyembre 2020 at Marso 2021 ay sinimulan na ang proceeding para ipawalang-bisa ang lisensiya na ipinagkaloob sa China Telecom.

Ayon kay FCC Chairman Ajit Pai, bukod sa ownership issue, iginiit ng security agencies na hindi sumunod ang China Telecom sa cybersecurity at privacy laws, at nagkakaloob ng pagkakataon sa Chinese state-sponsored economic espionage at disruption ng U.S. communications traffic.

“The Chinese government intends to surveil persons within our borders, for government security, for spying advantage, as well as for intellectual property and an industrial or business.”

Read More