MAHIGIT 40 tauhan ng Northern Luzon Command, na karamihan ay kababaihang medical frontliners, ang sumailalim sa “facial cleansing and treatment” bago sumabak sa pag-ayuda sa medical practitioners sa isinasagawang COVID vaccine inoculation para sa military personnel sa Northern at Central Luzon.

Ito ay bilang bahagi ng pagdiriwang ng National Women’s Month, na inisyatiba ng NOLCOM bilang pagkilala sa mahalagang ambag ng kababaihang officers and personnel sa giyera kontra COVID-19, bukod sa ginagampanan nila sa internal security and territorial defense operations.

Ang libreng facial treatment ay ipinagkaloob ng V Magic Skin Care bilang pagkilala sa sakripisyo ng mga sundalong frontliners.

Ayon kay Lieutenant General Arnulfo Marcelo Burgos Jr., commander ng Northern Luzon Command, “the defenders of the North are committed to break gender stereotypes and that gender equality is an important element of a sound organization”.

Bilang pagkilala sa sakripisyo ng mga kababaihan ay binigyan ni Lt. Gen. Burgos ng pagkilala ang female officers and personnel ng NOLCOM sa kanilang serbisyo sa gitna ng nararanasang pandemiya.

“I am happy to note that the female officers and personnel of Northern Luzon Command have effectively adjusted to their changing roles in our organization, not even the on-going pandemic affected their performance as a valuable human resource in their respective offices and units.”

Kinilala ng heneral ang napakahalagang ambag ng kanilang female officers and personnel bilang medical frontliners, intelligence analyst, gayundin ang administrative and operational support personnel.

“As a Commander, I can attest the valuable contributions of our female officers and personnel as they took an active role in mitigating the effects of the on-going pandemic as well as to NOLCOM’s internal security and territorial defense operations.”

Dahil dito, dapat lamang umanong papurihan ang lahat ng ‘Juana’ ng NOLCOM na nagsisilbing ina, kapatid, kaibigan at pinuno bukod sa pagiging sundalo na humaharap sa hamon ng serbisyo-militar.

“The contributions of women cannot be downplayed, as they proved to be trailblazers of change in our organization,” ani Gen. Burgos. (JESSE KABEL)