COVID-19 PLASMA NI ZUBIRI, IBINIGAY SA UP-PGH IBINIGAY ni Senate Majority Leader Juan Miguel “Migz” Zubiri ang kanyang blood plasma sa Philippine General Hospital (PGH) – National Institute of Health na gagamitin ng medical community sa patuloy na pagtuklas ng vaccine laban sa corona virus 2019 (COVID-19).
Sa pahayag, sinabi ni Zubiri na dahil siya ang kauna-unahang public official na nagbulgar sa pagiging positibo sa virus, at gumaling, kaya eligible sila sa pagbibigay ng blood plasma.
Aniya, wala pang aprubadong gamot laban sa virus kaya patuloy na naghahanap, tumutuklas at nagsusuri ang mga medical expert na makakuha ng COVID-19 anti-bodies mula sa mga gumaling na indibidwal at tuluyan nang makagawa ng bakuna laban sa sakit.
Idinagdag pa ni Zubiri na “So far, patients who were administered the plasma treatment at the PGH and St. Luke’s Medical Center showed significant improvements in their conditions.”
“I was very lucky to have recovered with no complications,” ani Zubiri.
“But that is not the case for many other patients, whose bodies are less prepared to fight this disease. If plasma donations can help them in any way, then I am more than happy to offer mine,” giit pa niya.
“All of us healthier, perhaps younger people who have been blessed with full recovery from COVID-19—we need to go donate. It’s a fairly simple process, and you’ll be able to help so many people,” dagdag ng senador. ESTONG REYES
205 
