DAULAH ISLAMIYAH MEMBER, NAPATAY NG MILITAR

ISANG kasapi ng Daulah Islamiyah – Maute Terror Group ang napatay matapos na magkasunod nilang makasagupa ang mga tauhan ng Philippine Army sa Brgy. Kalangan, Piagapo sa Lanao del Sur.

Ayon sa ulat ng Armed Forces of the Philippines Western Mindanao Command (AFP – WESMINCOM), unang naka-engkwentro ng mga terorista ang tropa ng Army 8th Scout Ranger noong Sabado na tumagal ng 15 minuto at nakasagupa rin nila ang tropa ng 44th Infantry battalion.

Nakuha mula sa napatay na miyembro ng teroristang grupo ang matataas na kalibre ng armas gaya ng M16 rifle, M14 rifle, mga bala ng 5.56mm carbine, mga granada, IED circuit indicator, at iba pa.

Isang sundalo ang nasugatan sa nasabing sagupaan subalit nasa ligtas nang kalagayan.

Tiniyak naman ni WESMINCOM Commander Lt. Gen. Antonio G. Nafarrete, hindi sila titigil hangga’t hindi nauubos ang mga terorista sa rehiyon.

“Our pursuit against the remaining threats to the peace and security that is already evidently present in our AOR sends a clear message to the militant groups that we will not allow them to rest while innocent lives suffer from the terrors they deliberately inflict,” pahayag ni Lt. Gen. Nafarrete. (JESSE KABEL RUIZ)

35

Related posts

Leave a Comment