PINAYUHAN ni Senate Minority Leader Franklin Drilon si Health Secretary Francisco Duque III na kumuha ng magaling na abogado.
Ito ay kasunod ng pahayag ni Duque na wala siyang pinagsisisihan sa kanyang mga naging aksyon na may kinalaman sa paglilipat ng pondo sa Procurement Service ng Department of Budget and Management (PS-DBM).
Matatandaang nabalot ng kontrobersya ang aksyon ng kalihim dahil sa mga sinasabing iregularidad sa procurement ng PS-DBM ng supplies mula sa Pharmally Pharmaceutical Corporation.
Ipinaliwanag ni Drilon na malinaw alinsunod sa Revised Penal Code na may pananagutan si Duque sa ilalim ng indispensable cooperation.
Binanggit ng senador na kung hindi dahil kay Duque walang magaganap na P42 bilyong halaga ng plunder gamit ang pondo ng ahensya.
“Secretary Duque should hire a good lawyer. Clearly, under the Revised Penal Code, he is a principal by indispensable cooperation. PS-DBM officials could not have committed the plunder without the P42B DOH funds being illegally transferred, without any documentation, to PS-DBM. He is part of the conspiracy to defraud,” paliwanag ni Drilon. (DANG SAMSON-GARCIA)
174 
