NGAYON ang simula ng matira-matibay na quarterfinals ng 2021 PBA season-ending Gover-nors’ Cup sa Smart Araneta Coliseum.
Napaka-importante ng laro para sa defending champ Barangay Ginebra, na kailangang talunin ng dalawang beses ang last season’s Philippine Cup titlist TNT, na may twice-to-beat incentive kaya’t nangangailangan lang ng isang panalo upang umusad sa semifinals.
Kaya’t sisikapin ng No. 6 Gin Kings ni coach Tim Cone na magtagumpay ngayong alas-6 ng gabi upang makahirit ng isa pang game kontra No. 3 Tropang Giga ni coach Chot Reyes.
Ngunit bago ang salpukan ng dalawang teams ay mauuna muna ang tapatan ng No. 2 NLEX at No. 7 Alaska sa alas-3 ng hapon.
Gaya ng TNT, may twice-to-beat advantage din ang Road Warriors at kailangan lang talunin ng isang beses ang Aces para umabante sa susunod na round.
Samantala, sa Biyernes ay double-header din ang nalalabing apat na teams. Unang magharap ang No. 4 Meralco Bolts at No. 5 San Miguel Beer sa alas-4 ng hapon, bago ang salpukan ng No.1 Magnolia at No. 8 Phoenix sa alas-6 ng gabi.
Parehong may twice-to-beat advantage ang Bolts at Hotshots kaya’t kailangang kumayod ng husto ng Beermen at Fuelmasters upang manatiling buhay ang tsansa sa playoffs.
Kung magkakaroon ng rubber matches, gaganapin ang games sa Sabado (Marso 19), habang ang iba pang quarterfinal pairings ay nakaiskedyul kinabukasan (Marso 20).
137 
