MAGPAPATUPAD ng 6-day gun ban sa National Capital Region bilang paghahanda sa isasagawang unang State of the Nation Address (SONA) ni Pangulong Ferdinand “Bongbong” Marcos Jr.

“Violators will face consequences that includes suspension or even disqualification from owning a firearm, aside from criminal charges that would be filed against them,” babala ni P/Major General Valeriano de Leon, PNP Director for Operations, sa mga lalabag sa gun ban.

Bunsod nito, inatasan ni P/Brigadier General Leo “Paco” Francisco, Director ng Manila Police District, ang kanyang mga tauhan na ipatupad ang nasabing kautusan.

Ayon sa PNP, sisiguraduhin nitong maparurusahan ang mga lalabag sa gun ban alinsunod sa rules and regulations. (RENE CRISOSTOMO)