NABIGO sina Southeast Asian Games gold medallists Jamie Christine Lim at Juna Tsukii sa kanilang kampanya sa 25th World Karate Federation (WKF) World Championships sa Hamdan Sports Complex bubble sa Dubai, United Arab Emirates.
Nakatuntong sa semifinals si Lim ngunit nabigo sa dikit na ikaapat na laban sa Pool 1 kontra Anita Serogina ng Ukraine.
Naiskoran sa natitirang 1:44 minuto sa -71kg ang University of the Philippines graduate na si Lim matapos silang magtabla sa iskor na 1-1 ni Serogina.
“Jamie lost her 4th round fight 2-1 to Ukraine (European silver medalist and World Premier League Champion 2021 in Cairo) but she has a good chance of going to the repechage and fight for Bronze medal,” sabi ni Karate Pilipinas Sports Federation Inc. (KPSFI) president Richard Lim.
Ikinatuwa ng KPSFI ang tapang at determinasyon ng anak ni basketball Hall of Famer Samboy Lim laban sa world class karatekas.
Samantala, maagang nagpaalam sa torneo si Tsukii, na bagama’t nagwagi sa unang round kontra Sara Radicevska ng North Macedonia sa pamamagitan ng superiority ay nabigo naman sa ikalawang round laban kay Bakhriniso Babaeva ng Uzbekistan, 2-3.
“Thank you so much for your support. But I’m sorry I lost to Uzbekistan in the second round. I couldn’t be the champion today, but I’m already on my way to my next goal. I promise to take advantage of this loss and become stronger. Thank you very much,” malungkot na pahayag ni Tsukii. (ANN ENCARNACION)
171
