(NI KEVIN COLLANTES)

MAGANDANG balita para sa mga haligi ng tahanan dahil may naghihintay sa kanilang surprise gift mula sa pamunuan ng Light Rail Transit Authority (LRTA) kung sasakay sila ng LRT-2 ngayong Father’s Day, Linggo, Hunyo 16.

Ayon sa LRTA, pagkakalooban nila ng father’s treat ang mga tatay na sasakay sa Recto, Santolan at Cubao stations ng LRT-2, mula alas-9:00 ng umaga hanggang alas-12:00 ng tanghali.

Magpapamahagi rin naman sila ng sorpresang regalo para sa mga ama mula alas-3:00 ng hapon hanggang alas-6:00 ng gabi sa Cubao station ng LRT-2.

“SURPRISE: Do something different this Father’s Day. On Sunday, June 16, treat Daddies to a ride fit for a king at LRT-2 as LRTA fills this day with heartwarming melodies, quotes, and gifts – all for our great Fathers. See you there! Happy Father’s Day!” anang LRTA.

“Surprise gifts will be given to Dads boarding LRT 2…” anunsiyo pa nito.

Nais ng LRTA na makiisa sa pagdiriwang ng mga tatay bilang pagkilala sa kontribusyon ng mga ito sa pangangalaga sa kanilang pamilya, gayundin sa lipunan.

Ang LRT-2 ang siyang nag-uugnay sa Claro M. Recto Avenue, sa Maynila at Santolan sa Pasig City.