“VERY unpredictable at napakahirap i-predict ng new variants ng COVID-19.”

Ito ang pag-amin ni testing czar Sec. Vince Dizon makaraang mabulaga ang bansa sa mabilis na pagdami ng new variant cases ng virus noong nakalipas na ilang buwan na naging dahilan kung bakit kinulang ang itinayo ng gobyerno na 10,000 ICU at hospital beds noong nakalipas na taon.

Sinabi ni Dizon na nararanasan din maging sa ibang bansa ang nangyaring ito sa Pilipinas partikular na sa India.

Aniya pa, nakakaawa ang nasabing bansa dahil sa kinakaharap ngayong matinding epekto ng new variants ng COVID-19.

Ngunit ang mahalaga aniya ay nakita na ng gobyerno ang pangangailangan na lalo pang paghandaan at higit pa umanong paramihin ang mga itinatayong modular hospitals at ICU beds. (CHRISTIAN DALE)