O FRANCHISE, NO OPERATION SA ABS-CBN KAHIT maipasa ang joint resolution ng dalawang Kapulungan ng Kongreso, hindi pa rin puwedeng mag-operate ang ABS-CBN hangga’t hindi nare-renew ang kanilang prangkisa.
Ito ang napag-alaman kay Albay Rep. Edcel Lagman kaya walang silbi umano ang joint resolution na nakatakdang ipasa ng Senado at Kamara upang payagan ang ABS-CBN na magpatuloy sa kanilang operasyon hangga’t hindi pa nare-renew ang kanilang prangkisa.
“Since the prevailing rule is no franchise, no operation, inveigling ABS-CBN to continue operation with an expired franchise is pushing it to a legal limbo fraught with possible lawsuits as such continued operation is against jurisprudence and the law under Section 16 of RA 7925 or the Public Telecommunications Policy Act of the Philippines,” ani Lagman. “Section 16. Franchise. – No person shall commence or conduct the business of being a public telecommunications entity without first obtaining a franchise,” dagdag pa ng mambabatas. Ipinaliwanag din ni Lagman na may desisyon na ang Korte Suprema, partikular na sa Nurse party-list vs Executive Secretary (G.R. No. 215746. October 8, 2019) na hindi puwedeng amyendahan ang isang batas sa pamamagitan lang ng isang resolusyon. Dahil dito, walang silbi umano ang joint resolution para makapagpatuloy ang ABS-CBN sa kanilang operasyon pagdating ng Mayo 5, 2020. Nakatakdang mapaso ang prangkisa ng nasabing TV network sa Mayo 4, 2020. BERNARD TAGUINOD
361 
